قصة حب روعة بس محد يصيح

[وحيد القلب]

هالقصه ربيعي طرشها لي على المسن وانشاء الله تعجبكم
مهرة بنية حلوة حبوبة الكل يحبها ويتمنى لقاها، تحب كل الناس وتحب تساعد كل الناس، لو جرحوها بعدها ترد تساعدهم وتنسى انهم في يوم جرحوها ولا احرجوها
كان ترتيبها الرابعه بين اخوانها وخواتها ثلاث بنات وولدين مبارك، فطامي، سلامه، مهرة وبعدين علي، كانت حياتهم حلوه بين ابوهم وامهم، كلهم كانوا متعاونين ويحبون الخير لكل حــد
فطامي متزوجه وعندها ولد وبنت وسلامه تتزهب حق العرس ومبارك متزوج وعنده ثلاث اولاد وبنوته حلوه ومهرة في الجامعه سنه ثانيه وعلي في كلية زايد.
في الصباح
مهرة: السلام عليكم ورحمة الله وبركاته(( وتروح تهوي على راس ابوها وتحبه على راسه وتروح وتحب امها على راسها.
بومبارك: وعليكم السلام هلا بنيتي اشحالج بويه شو اصبحتي؟
مهرة: حمدلله بنعمه بويه دامني اصبح واشوف ويهكم انته وامايه ربي لا خلاني منكم.
ام مبارك: الله يبارك فيج بنيتي يعلج موفجه ان شالله، ها حبيبتي بتروحين الجامعه؟
مهرة: هيه ان شالله امايه، وبرد اليوم الساعه 3 عندي دوام طويل
ام مبارك: الله يعينج يا بنيتي زين لأنا اليوم انا وبوج بنويه صوب العزبة جيه لعصيران جان ودج تسيرين معانا.
مهرة: اكيد امايه بسير وياكم ما ايوز بلاكم مب دلوعتكم؟؟؟هههههه
بو مبارك: الا دلوعتنا وشيخة الدلع بعد،
ام مبارك: عن يضيعها دلعك لها، الدلع مب زين للبنت
مهرة: فديت ابووويه انا ربي لا خلاني منه،، هااا امايه لا يكووون تغارين؟؟ هههههههههه
بومبارك: هههههههههههههه يمكن يا بنيتي
ام مبارك: الله يعيني عليكم ههههههه، هيه يا بنيتي تذكرت عمج خليفه وعياله بنلاقيهم هناك، وهم من زمان ما شافوج وحرمت عمج خاطرها تشوفج ، لنها من عقب ما يت من العلاج ما شافتج
مهرة: فديتها خالوه، حتى انا ولهت عليها وفي خاطريه اشوفها، بس الجامعه الله ياخذها ماخذه كل وقتي، اللحينه بترخص منكم اشوفني الا تاخرت عن الجامعه، بس امايه سلاّمي متى بترجع من عند خالوه ميثا وايد طولت حشا جنه محد غيرها يتزهب هههههههه
ام مبارك: بترد يوم الخميس ان شالله لنه ماشي باجي عن عرسها، بنيتي فديتج خلي البشكارة تروح وياج لا تروحين بروحج حبيبتي
مهرة: ان شالله امايه
وتزقر مهره البشكارة صوفي
مهرة: صووووفي صووووووفي يالله بسيييير تاخرت
صوفي: زين زين مافي قرقر يالله سير
مهرة: هههههههه زين يا ام القرقر انتي
وتروح مهرة الجامعه وتدخل الكلاس متاخره ويشوفها الدكتور وتبتسم له وجنها مب مسويه شي، ويقول الدكتور لو سمحتوووا بنات بلاش تتأخرو على المحاضرة ويطالع مهرة وهو ينغزها
وعقب ما خلصوا محاضرة طلعت هي وربيعاتها موزوووه وشرينه وشموووه وعلايه وسارن صوب المكتبه
موزوووة: بنياااات شوووفن هاذيج البنت
شرينه+شموه+مهره+وعلايه: أي بببببنننت
موزووه: هاذيج اللي مب مخليه لون مب مخلتنه على ويهها جنها مؤسسة اصباغ الخليج ههههههه
شرينه+شموه+مهره+وعلايه: هههههههههههه شو بلاها
موزوووة: هذي تعرفووون منوه خاطبنها؟؟
شموه: قوولي قوولي انتي صايرة ام هلال كل لعلوووم عندج
موزوووة: انا ام هلال عيل عناااد ما بخبرج موووتي قهر!!!
شمووه: لالا لالالا خلاص انا ام هلال بس خبريني يالله
شرينة+مهره+علايه:ههههههههههههههههه يالله خبرينا
موزوووه: هذي خاطبنها ولد قوم غافان
شموووه: لا يكوووون محمد؟؟؟ لالالالا كنت عاقده عليه آمال
شرينه: هههههههههه ومن متى هو يعرفج؟؟؟ لا يكووون تعرفينه من ورانا!!هااا اعترفي
شمووه: لا والله وربي لي خلقني لا اعرفه ولا يعرفني بس اني شفته هاذيج المرة في ميلس قوم خالوه عفرا
شرينه: هااا عيني في عينج!! ميلس قوووم خالووه ولا هههههههههه
مهرة: حرام عليج لا تسوييين فيها جيه هههههههههههه
علايه: وكيف طاااح عليها؟؟ وين حصلها؟؟ وما حصل غير هالويه؟؟؟ انا مووول ما ارتاح لها
موزووة: والله ما ادري عنه!!! عووذ بالله من هالشيفه
مهرة:ههههههه ايه ايه بلاكم على البنت؟؟ خلوها الله يوفجها
شمووه: لالا مهاري ما تعرفينها انتي هاااي استغفر الله العظيم مب لين هناك سلوكها
مهرة: حرام لا تظلمينها ولا تسمعين رمسة البنات ترى ما عندهن شغله الا فلانه راحت وفلانه يت
شمووه: لالا والله مب جيه انتي خليها على الله
موزوووة: حووووه بسكن رمسه خلنا نسير ندور هالكتاب لي طلبه هالدكتوور الخسف ما ادري من وين يايبينه!!
مهرة: هههههههههه هيه والله ما احبه هالدكتور!! يوم اشوفه جني شايفه ابليس استغفر الله
علايه: لالا خلج في صووب هو يوم يناظرج امرررة ذايب
مهرة: جبببب جبببب لا تقولين هالرمسه ووووع يعله اللووووعه
علايه: هههههههههههه حد يشووفج ولا يذوووب!! يا مذووبني انته!!!
مهرة: بتنجبين ولا ارووويج الادب كيف زززززززززين
موزووة: لالا مهاري صح ماشالله عليج تعقين الحر من السما يوم شافج خويه حمووود اتخبل ولا نام اسبوع
شمووه: ههههههههه احيدج يوم تخبريني عنه!! صج انه ياهل
مهرة: شوووو تقوولين انتي؟؟ مالت عليج انتي وحمووود زيين!!!
موزوووه: اوونه طاعووو طاعوووا استحت ويها استوى احمرررررر ههههههههه
علايه: هههههههههههه ووواوو على الحمرا انا
شرينه: بلاكن على البنت خلوووها بتضربكم اتراها،، ضاريه على العزب والمزارع ما عندها كاني ماني ههههه
مهرة: حوووه حوووه ما عليه ان ما رويتكن شو بسوووي بكن
وتخطف مهرة وتربع وراهن ولا جنهن بنات جامعيات، ويوصلون المكتبه ويخلصون شغلهم ويكملون باجي لمحاضرات، ويخلص الدوام ويظهرن صوب بوابة العين، وكل وحدة تدور سيارتها من ورا الدريشة
موزووة: شو
وفه هذاك لصبي محلالالالاته يخبل!!!
شمووه: ووين ووين خليني اشووفه!!
سلامه: حووه حوووه خوويه لا تطالعنه هذا خوويه غربلات ابليسكن تراني بخبرررره هههههههه
موزووة: ززين ما رحنا بعيد ضمنت مستقبليه عيل ههههههههههه انا امووت فيج سلامه واحبج وايد ههه
شرينه: يالله يالله يا ربي على المصالح شو تسوي بهلها
موزوووه: لا افا عليج شو مصالح ان احبببببج وامووت فييييج فديييتج انا علني ما اخلا منج
شرينه: ههههههههههه خلاص قردنتيني بيوزج اياااه بس هااا خويه وايد رومانسي
موزووه: شو قصدج انا دففففشه يعني!! فديتني الرقة الا من بعديه!! صح مهاااري؟؟
مهرة: صح والف صح انتي رومانسيه ورقيقه وحلووه وانا اشهد بعد طبعا كله العكس
شرينه: ههههههههههههه اشكر فنج
شموووه+مهرة+شرينه+علايه:هههههههههههههههههههههههههه
وحليلهاااا الرقيقه
موزوووة: مالت عليكن ادريبكن غيرانات مني فديتني
مهرة: اشوووف صووفي يت ما فيني على لسانها يالله بنات برخصتكن حد بيسير ويايه
موزووة: مشكله ما عندج خووان ايووزوون لي ولا امرة بخاويج هههههههههه
مهرة: عندي واحد بس اصغر عنج يعني انتي يدته ويا ويهج حرام تضيع زهرة شبابه وياج هههههههه
شموووه+ شرينه+علايه: ههههههههههههههههه
موزووة: اليوم اشوفكن الا مضيعات المذهب شوو مب مازرة عيونكن ولا لا
شموووه+مهرة+شرينه+علايه: لالا افا عليج مازرتنها ونص هههههههههه
مهرة: يالله بناااات بباااااااي
شموووه+موزة+شرينه+علايه: بااااااااي
وتطلع مهرة صوب السيارة ويشوفها حمد اخو شرينه ويتم يطالعها ليما ركبت السيارة وهو مب رايم ينزل عيونه عنها جنها شلت قلبه وراحت
ابتسم وابتسمت روحي**شل عقلي عنده وراحي
صابني وامسيت مجروحي** ولا هنالي عقبهم راحي
وكان في خاطره يتبعها، بس ركبت شرينه وسلمت ولا رد السلام عادت السلام ثلاث مرات وخلاف شلت الشريط وكفخته على راسه
حمد: عوووذ بالله من هالويه اعنبووه الواحد ما ياخذ راحته حتى في سيارته
شرينه: اووونه راحتك!! وانا من ساعه اقول السلام عليكم ولا رديت ويا ويهك
حمد: وعليكم السلالالالام مرحبا السااااع حبيبتي شرووونه ممكن سؤال
شرينه: ادريبك ما بتقووول حبيبتي الا وراك شي هاا قوول اشعندك
حمد: منوه هاذيج البنت لي ركبت توها الاستيشن البيضا
شرينه: ومنوه قالك انا اشتغل في المرور عسب اعرف السيارات
حمد: شرووونه انتي في الجامعه واكيد تعرفين البنت
شرينه: أي سيارة تقصد؟؟
حمد : هاذيج ((وأشر لها حمد على السيارة))
شرينه: هييييييييه عرفتهااااا، بس عناااد ما بقووولك
حمد: شرووون يالله قولي لا انزلج من السيارة
شرينه: اهااا زين زين عيل نزلني وشووف منوه بيقولك
حمد: لا عيوني فديتج الغاليه انتي حبيبتي واختي الغاليه ما بتخلين شي في خاطريه
شرينه: اووف ما تنغلب في اللواته، زين بخبرك هاي ربيعتيه مهاري
حمد: ((وهو مثل الهايم)) مهاري محلا هالاسم
شرينه: حوووه حووه بلاك انته تقول اسمها وجنك تعرفها من مليووون سنه
حمد: كيفي انا اقوول لي اباه زين زين خبريني عنها يعلني فداج
شرينه: اول بتحوطني في العين موووول؟؟ وبتعشيني على حسابك
حمد: بعشيييج وين ما تبين بس العين موول لا ربعي كلهم هناكي
شرينه: مالي شغل بتوديني العين مووول بقوول ما بتوديني تم ما بتقوووول!! هااا شوو قلت
حمد: لا حول ولا قوة الا بالله زين زين بوديج بس الصباح
شرينه: اوكيه المهم توديني وعليك كل شي
حمد: ولا يهمج من عيوووني بس خلصيني قووولي
شرينه: اول قووول تم وبنفذ اللي قلته
حمد: اووهوووه يالمذله زين تم وبنفذ اللي قلته يالله عااااد
شرينه: هاي مهاري
حمد: لا والله!! سبحان الله!!! وووويييا ويهج زين اعرف مهاري وبعدين
شرينه: هههههههههه زين زين اعصابك، هاي ربيعتيه من زمان وتدرس ويايه وعمرها نفس عمري يعني داخله العشرين، تعرف قوم مهيّر؟؟؟
حمد: هيه اعرفهم
شرينه: هذا مهيّر يصير يدها العود،
حمد: اهااا زين والله
شرينه: شو هوو لي زين والله؟؟
حمد: لا ماشي كل شي بوقته حلو، يالله اجلبي ويهج ونزلي،
شرينه: والعين مووووول والعشا؟؟
حمد: خلاف خلاف
شرينه: لالالا حمد حراااام
حمد: انا قلت تم عاد لا تأذيني
شرينه: هيه جيه استانست يالله بااااي بس انته وين بتروح
حمد: لا يكون حضرتج حرمتيه وانا ما ادري؟؟؟ يالله سييري ورايه شغل
شرينه: هههههههههه لو حرمتك ما بتشبر برا البيت ولا شبر يالله بببباااي
حمد: باي ويا ويهج
في بيت مهرة، ومهرة تشوف ابوها متوضي حق صلاة العصر
مهرة: سلالالالالالالالام عليكم انا ررررررجعت، وتروح وتلوي على ابوها وتحبه على راسه
بومبارك: هلا والله باغلى مهرة، اشحالج بنيتي؟؟ شو اليامعه وياج
مهرة: حمدلله بخير بووويه لا تحاتيني ذيبه!!
بومبارك: لا خليت منج الغاليه بنيتي واعرفج، زين بنيتي لو بتسيرين اتصلين احسن لنا بنويه صوب العزبة ان شالله عقب صلاة العصر
مهرة: ان شالله بويه اللحينه بروح
وتروح مهرة وتغير ملابسها وتتوضا وتصلي وتلف عمرها بشيلة شويه طويلة لنها بتروح العزبه وتشوف ويهها في المرايا، وتتذكر ايام العزبه مع عيال عمها ، يوم كانت ترابع الاولاد اكثر من البنات ويسون احزاب وحالتهم لله سوالف ومقالب، وتقطع عليها صوفي حبل افكارها
صوفي: مهاري هبيبي يالله بابا كبير يريد انتي
مهرة: هبتج يرادة!!!هههههههههههه
صوفي: شوه يرادة مهاري ؟؟ اكيد يرادة يعني مهاري صح؟؟يرداه مهاري ومهاري يرداة هلو هازا اسم
مهرة: هههههههههههه حلج حلووووول انا يرادة ما عليه هههههههه
وتسمع مهرة امها تزقرها ، وتنزل مهرة بسرعه صوب امها ووتخرطف على الدري
ام مبارك: بسم الله عليج بنيتي شي ياااج؟؟
ومهرة ما ردت عليها تمت طايحه ، وتمت ام مبارك تولول بنيتي شو ياااج بسم الله عليج، وشويه تقوم مهرة تضحك وتقووول قصيت عليج امايه اشوفج تحبيني ولا لا
ام مبارك: حرام عليج طاح قلبي من ضلوعي، ان شالله ما تعورتي يالغاليه
مهرة: لا امايه فدييييتج بس كنت اختبر غلايه عندج
ام مبارك: عاد مب جيه حبيبتي انا احبج واحب اخوانج كلهم وكلكم واحــد عندي عيالي ومربتنكم وسهرانه عليكم، كيف ما احبكم
مهرة: امووت فيج اماااايه وتلوي عليها
ويدخل بومبارك ويخبرهم انهم اللحينه بيسيرون وراحو صوب العزبة، ويوم وصلو هناك نزلت مهرة اول شي وقالت لأمها وبوها انها بتروح تتمشى شوي على العراقيب قبل لا ايون قوم عمها، ووصتها امها على عمرها وقالت لها لا تروحين بعيد.
وراحت مهرة صوب الرمل تمشي وجنها حورية جمالها الطبيعي وشعرها يلعب به الهــوى وخصلاتها تتطاير وابتسامه بريئة على شفاتها وتحس باحساس غريب حلو، وفجأة تسمع صوت من وراها يقولها حوووه حوووه، التفت مهرة عليه بسرعه لنه زيغها بصوته
سهيل: انتي وين تحسبين عمرج يالسه تمشين هنيه
مهرة: لا والله؟؟ ما احيد هالرمل ملك لك انا كيفي اتمشى وين ابا والوقت اللي اباه
سهيل: اونه؟؟ منوه قال كيفج، انا هنيه قبلج تعرفين شو يعني قبلج؟؟
مهرة: يمه خوفتني، زين وشو يعني قبلي روح امشى في هذاك الصوب وانا في هذا الصوب
سهيل: لا عاد انا ابا امشي في كل مكان
مهرة: ما شالله لا يكون ام اربع واربعين وانا ما ادري
سهيل: تنكتين حضرتج؟
مهرة: لا احاول هييهيهي بايخه
سهيل: يالله اللحينه بتروحين من هنيه ولا ما بتروحين
مهرة: ما بروح عناد هااا ((وراحت ويلست على الرمل))
سهيل: انتي من وين طايحه علي، هاي الرمله رملتيه ومالج شغل فيها
مهرة: وانا قلت ما بسير، وبعدين تعااال انته منوه تتحسب عمرك عسب اتي وتتجرأ ترمسنيه؟؟
سهيل: وانتي منوه تحسبين عمرج اتين تيلسين في رملتيه
((وتلتفت مهرة يمين ويسار))
مهرة: ما اشوف اسمك مكتوب على الرمل!!!
سهيل: تستخفين دمج حضرتج
وفي هالـــوقت ايي عبدالاله اللي يشتغل في العزبة من يوم هي صغيرة، وكان يلاعبها ويشربها حليب البوش
عبدالاله: مهرة،، مهرة، بابا كبير يريد انتي بابا خليفة في موجود
مهرة: عمي خليفه وصل؟؟ زين اللحينه يايه، ((وتلتفت صوب سهيل وتقوله)) لو ما زقروني عليه النعمه ما اتحرك ولا شبر من هنيه ومووووت من القهر. وتقوم مهرة وتنفض لغبار عن كندورتها وتعدل شيلتها وتفر هاذيج النظرة على سهيل
سهيل: اونه عاااد خفت انا خــلاص روحي ولا ترجعين هالمكان مرة ثانيه
مهرة: بررررررررررررجع عناد زيييين وبتم على قللللللبك
وتخطف صوب العزبة، وتم سهيل يطالعها ليما اختفت عن نظر عينه، والتفت صوب المكان اللي يالسه مهرة فيه وشاف شي يلمع، وقرب صووبه وشاف سلسله مكتوب فيها مهرة الكتبي، وبسرعه شلها وطالع صوب مهرة بس لقاها رايحه، وتم يفكر و يقول اخليها هنيه لالا اكيد حد من عيال الحرام بيمر وبياخذه ولو شليتها وين بخليها، وفجأة قطع حبل افكاره صوت اخوه عبدالله
عبدالله: هااااا شو تسوووي
ارتبك سهيل وخل السلسلة في مخباه
سهيل: لا ماشي يالس اتمشى، خير شي فيه؟
عبدالله: لا ماشي بس كنت بسالك
سهيل:تفضل
عبدالله: دام فضلك، شفت بنت خطفت توها، حادرة من عزبة قوم بن مهّير اعتقد
سهيل: لا ما شفتها شو بلاها؟
عبدالله: الله عليها ما شالله بنت حلوه تقاطيع ويهها وايد حلوه
حس سهيل انه يحترق من داخل وما عرف شو سبب هالشعور، توه متهاد وياها شو ياه اللحينه
سهيل: وانته شو تبا بها بنيه وخاطفه
عبدالله: وانته ليش محتر؟؟ انا شفت وايد بنات ورمست وايد بس نفسها هاي ما شافت عيني
سهيل: شو بعد!! بترقمها؟؟ ولا بتخليها ضمن العاشقات المتعذبات
عبدالله: يالله عاد لا تتطنز ، شو ارقمها ما ارقمها ، انا هاي لو عندي بخليها في قصر وبتم اطالعها
سهيل اغتاااااظ وكان وده يضربه، بس مسك عمره
سهيل: زين يالله انا ساير تامر بشي
عبدالله: لا سلامتك ، انا بمر على عزبة قوم بن مهيّر وني بسلم يمكن اشوفها واحصل ولو نظره منها
سهيل: سير زين ((وهو يقول بصوت خفيف يقول يالله يعل سيارتك تخترب قبل لا توصل))
عبدالله: شو بلا ك تتحرطم؟؟
سهيل: لا ماشي، يالله وداعة
عبدالله: في حفظ الله
في عزبة قوم مهــرة وهي واصله توها من العراقيب ، تشوف قوم عمها خليفه وعيالها ياين وتروح وتتحجب عدل بالشيلة، وتسلم على عمها خليفة وعقب تروح تسلم على حرمت عمها وتلوي عليها، وخلاف تلتفت صوب عيال عمها فارس، ومحمد، ومايد. وتسلم عليهم
مهرة: اشحااااالكم فارس، ومحمد، ومايد ؟
فارس+ومحمد+ ومايد: بنعمه الله يسلمج يا بنت العم
فارس: ماشالله كبرتي وايد
مهرة: شو قصدك يدتك يعني!!! هههههههههههه
فارس: وووول بعدج ملسوووونه
محمد: هيه هاي من استوت لسانه انولد قبلها
مهرة: وووول اتشاهد على ويهك، عن تصيبني بعين، تراني دلوعت بووويه يا ويلك منه هههههه
فارس: يالله يالله على الدلوووعه
محمد: الله يعين اللي بياخذج،
مهرة: قول ياحظه، ((وتطالع صوب حرمت عمها)) صح عموووووه
ام فارس: صح يا بنتي انتي درة ويا حظه اللي بياخذج، بس ما نباج تطلعين عنا
وهاذيج الساعه مايد رمس وهو يطالع مهرة بنظرات غريبه
مايد: هيه ما نباج تظهرين عنا ، صـــح عمي
بومبارك: والله بنتي وين ما تبا تروح امرة بوديها واللي تباه بسوي لها، هاي مهرة الغاليه
مهرة: يعلني ما اخلا من بوووويه
فارس: بسج دلـــع!!!! وخبرينا عن الجامعه
مهرة: حمدلله ماشية، لوعت جبد ودراسه ويكرفونا كرااااف
محمد: دواج خلج تنكرفين يمكن هالدلع يرووح عنج
مهرة: مالت عليك، يالله يا ربي يعل حرمه تكرفك ليل نهار
محمد: ليش انا متيوز عسكري؟؟؟ ههههههههه
مهرة: هيه ههههههههههههههه هااا فارس متى ناوي تعرس
فارس: والله بعدنا ما حددنا، اليوم ان شالله بنتشاور مع عمي بومبارك وخلاف بنرد عليهم
مهرة: هيه هيه زين خبروووني لني ابا افصل فستان واكوون احلا وحده
مايد: انتي دووم احلا وحده ما يحتاي لا فستان ولا شي
مهرة: ((وهي تحس انه الجو بدا يتكهرب)) ادري بدون ما تقوول
فارس: لا يكون انتي العروس وانا ما ادري
مهرة: لا احلا عنك وعن العروووس، ههههههههه هااا عمووووه متى دور محمد متى ناويين
ام فارس: والله يا بنتي ما نباه يروح بعيد عنا ولا نباج تروحين عنا
مهرة حست بعمرها غييير، هي ما تتخيل عمرها لمحمد لنه اتحس انه نفس اخوها، وحست انه الكل يتريا ردها، وخصوصا محمد، فجأة جان يسمعووون حد من بعيد يقووول هوود هوووود
ورد بومبارك: اهدا اهــدا
عبدالله: السلام عليكم
وقاموا الرياييل يسلمون، وتغشت مهرة، وراحت عند امها وعند حرمت عمها
بومبارك: هلا بولدى عبدالله اقرب اقرب حياك معانا
عبدالله: جريب يا عمي ، اشحالك يعلك بخير ونعمه
بومبارك: بخير يا ولدي دام اني في هالعزبة وبين الرجايب
عبدالله: الله يعطيك العافيه عمي، اشحالك عمي خليفة يعلك بخير؟؟
بو فارس "خليفة": بخير ونعمه يا ولدي، اشحالك انته؟؟ واشحال هلك وعربانك؟
عبدالله: كلهم بخير يعلك الخير وما يشكون باس، اشحالكم شباب؟
فارس+محمد+مايد: بنعمه الله يسلمك
فارس: اشحالك عبدالله؟؟ وين دارك يا ريال ما تنشاف مووول
عبدالله: والله مايووود في هالبقعه دوم في العزبة انته لي ما تنشاف ياخي
فارس: والله الشغل تدري انته روحك كيف الدنيا ومشاغلها
عبدالله: الله يعينك، والله ((ويلتفت صوب الحريم)) ويقول اشحالج عمتي ام مبارك وشحالج عمتي ام فارس
ام مبارك+ام فارس: بخير ونعمه يا ولدي
عبدالله عرف ان البنت لي متغشية هي نفس البنت اللي شافها هناك لنه لمح كندورتها، وشيلتها، وقطع حبل افكاره بو مبارك
بومبارك: اقرب يا ولد لا تم واقف قهوتنا زاهبه
عبدالله: تسلم يا عمي، بس انا ورايه شغيلات بقضيهن
بومبارك: بعدنا ما شبعنا من سوالفك يا ولدي ولا اتينا ولا انشوفك
عبدالله: ان شالله بتشوفووني وبتشبعون مني يا عمي ((وهو في خاطره جرررريب جرررريب ولف صوب مهرة))
*********
في بيت قوم شرينة ربيعت مهرة
حمد: امااايه اماااايه
ام حمد: لبيه يا ولدي خير ان شالله
حمد: لبيتي حايّه امايه ،،، خلاص امايه انا قررت اغيــر حياتي
ام حمد: شو يا ولدي؟؟ لا يكون بتستوي لنا شرات هالاولاد الصايعين الضايعين اللي يربون شعيراتهم
حمد:افااا يا امااايه،، عاد ولدج مب جيه،،، افا عليج بس
ام حمد: محشووووم يا ولدي بس شوفت عينك كيف حالهم استوى هالاولاد الله يعين هلهم عليهم
حمد: هيه والله، انزين امايه خلينا من هالسالفة انا يايينج في موضوووع صغيروني
ام حمد: تفضل يا ولدي آمرني
حمد: ما يامر عليج عدوووو
وتدخل شرينه عليهم،،،
شرينه: طحت عليكم شوووو يالسييين تقوولووون
حمد: انتي ظهري برررا ابا امايه في موضوع
شرينه: ولا شبر ما بظظظظهر ابا اعرف الموووضوع
حمد: بتظهرين ولا ماشي العين موووووول ولا عشا
شرينه: لالالا بووويه بظهر واذا تبا بعد بظهر من البيت كله على شان العين مووول كله يهووون
ام حمد: هيه يا حبكن لهاسوالف العين رول ما ادري شوووه
شرينه: ههههههههههههه امايه العين مووول مب رووول ههههههه
ام حمد: هو هذا ماشي غيره مضيع البنات
حمد: زيييين يالله فااارجي خليني ارمس امايه
شرينه: زين زين يالله برايكم بروووح عند عنووووود فديتها ولهت عليها ((وتظهر وتصك الباب))
ام حمد: يالله يا ولدي تراك طيحت قلبي
حمد: فديتج امايه،، امايه انا قررت اتزوج
ام حمد: هاذي الساعه لمباركه يا ولدي،، وما بتحصل حـــد احسن مــن بنت خالتك شما
حمد: لا امايه ما اريد هذي
ام حمد: عيل يا ولدي منوه في بالك؟؟؟
حمد: بنت قوم بن مهيّر
ام حمد: قوم بن مهيّر!! هيييييه تقصد مهرة بنتهم
حمد: هيه امايه هي هذي
ام حمد: والله يا ولدي هالبنت ما عليها زود والكل يمدح فيها وهلها بعد ناس والنعم فيهم، بس
حمد: بس شووووو يامايه
ام حمد: ما نعرف رايهم قبل لازم اخبر ابوووك بالسالفه وخلاف بنتافهم
حمد: بسسرعه يامايه
ام حمد: لا تستعيل يا ولدي، وكل شي الله كاتبنه في اللوح بيصير في وقته وجان البنت من نصيبك ترى محد بياخذها
حمد: ونعم بالله
************
في بيت قوم سهيل، وهو يالس في غرفته ويفكر في الموقف لي صار اليوم، يا ربي ليش هالبنت احتلت تفكيره مع انها ملسووونه ودلوووعه وكل شي مب زين بس بصراحه حلوه!! يا ربي شووو صار فيني ليش مب قادر اشلها من تفكيري ويمد ايده ويطلع السلسله ويقرا اسمها مرة ثانيه "مهرة الكتبي" ولا اراديا يقول فديت هالاسم وتدشت عليه اخته هــدى وتشووف السلسله في يدينه
هدى: هااااا شو تسوي؟؟
سهيل: ((وخلا السلسله في ايدينه وضمها بقوة)) لا ماشي سلامتج
هدى: شو هالسلسله اللي في ايدينك؟؟؟ لا يكون يايبنها حقي ادريبك خويه وتحبني وايد ههههههه
((هدى اخت سهيل وايد يحبها ووايد تحبه ولا يخبون شي على بعض، وهي اكبر منه وعندها ولد بس زوجها متوفي))
سهيل: آه يا ختيه
هدى: بلالالالاك خير شو فيك؟؟ يالله قووول خوفتني عليك
سهيل: والله ما ادري شو صار فيني
هدى: يالله عااااد قوووووول
سهيل: انا بحكي لج اوكيه وسمعيني عدل
وتم سهيل يحكي لهدى شو صار وكيف كان لقائه بمهرة وكل شي وصفها جنه يشوفها جدامه ويوم كان يرمس عنها جنه يحلم وجنه هااايم فيها ويعرفها من زماااان واخته هدى يالسه تطالعه ويوم خلص قالت له هدى
هدى: لهدرجه لفتت انتباهك؟؟
سهيل: والله ما اعرف شو اقولج مع انه تناقرنا انا وهي
هدى: زين تعرف بنت منوه؟؟؟
سهيل: اعتقد بنت قوم بن مهيّر
هدي: هيييييه اعرف اختهم الكبيرة فطامي، هي معرسه قبلي بسنه، وعندها اخت اصغر منها سلامه ومهرة، وسلامه اللحينه اعتقد بتعرس
سهيل: يعني محد باجي الا مهرة
هدى: هيه اعتقد جيه، وفجأة يدخل علاوي ولد هدى
علاوي: ماماتي يالله ابا كاكاووه
هدى: عيب علاوي يوم تدخل مرة ثانيه دق الباب
علاوي: ان ثا لله ماماتي ((ويطلع علاوي ويدق الباب وتقوله هدى يالله ادخل))
علاوي: يالله ماماتي يالله نلوووح ابا الوووح آكل كاكاوه
هدى: لا ماشي مب زين حبيبي بعدين السوسه بتاكل اسنانك
علاوي: حلالالالام ماماتي انا بندف اسناني بالمعدووون بعد ما اخلث
سهيل: ههههههههههههههه عنبوووها من رمسه
هدى: هههههههههههههههههههههه يالله علاوي نسير وانته سهيل خلاف برمسك
سهيل: ان شالله خير يالغاليه
*************
في بيت عم مهرة خليفة كانوا كلهم يالسين بو فارس وام فارس و فارس ومحمد ومايد...
محمد: بو فارس بغتيك في رمسه
بو فارس: تفضل يا ولدي ارمس محد غريب
محمد: زين بعد انا اباهم كلهم على شان افتح هالموضوع
فارس: يالله عااااد ما يحتاي هالمقدمات اللي يقوول اللحينه بتتفجر قنبلة
محمد: هههههههه غربلات ابليسك،، هي تقريبا قنبله بس حلوه
ام فارس: يالله يا ولدي قول خلنا نفرح.
مايد: حتى انا اباكم في موضوع بس عقب ما يخلص محمد
بو فارس: يالله انا حاضر باللي تبونه، انتو عيالي وأولى من الغريب
محمد: بويه انا قررت اعرس
بو فارس+ام فارس: هذي الساعه لمباركه يا ولدي
محمد: واريد مهرة بنت عمي.
((هاي الساعه صرخ مايد بصوت عالي))
مايد: لالالالا مهرة لي انا
كلهم لفووو صوبه
محمد: نعم؟؟؟ ومنوه قال انها لك؟؟؟ هااااا
مايد: انا قلت ومحد بياخذها غيري
محمد: يالله فكنا من صدعتك يالياهل،
مايد: اقصر لسانك احسن لك، ومحد ياهل غيرك، اعنبووه تاخذ وحده اصغر منك بوايد
محمد: نعم؟؟؟؟ عيل مهرة ما بتفر عمرها فرة جلاب بين ايديك ، ياهل وما تعرف للمسؤوليه
مايد: والله!!!!! اونك انته تعرف المسؤوليه، قلت لك مهرة لي يعني لي!!
ويقووم محمد بيتضارب وياه، ويصرخ بو فارس
بو فارس: اعنبووكم ما عرفت اربيكم لا حيا ولا حشيمه
محمد: ما تسمعه بويه شو يتحرطم؟؟ هالخام
مايد: انا خام يالخايس
فارس: بس عاد اعنبوه يهال؟؟ لا يهااال... بذمتكم ما تستحون ولا تخيلوون بس يالله
محمد: على شان خاطركم بس بخليه،، ولا يمين بالله انه ينضرب ليما ترم عظامه
مايد: تخسي الا انته تخسي تشبر شبر واحد صوبي
محمد: انا اخسي يالخاااام!! ان ما رويتك
((ويقوووم يعطيه بوكس على ويهه ويطيح على الكرسي ويقووم مايد ويرد له الضربه ويحاول فارس يحايز بينهم ولا شي فايده وابووهم يصيح عليهم ولا حد سامعنه لين ما تعبوا وكل واحد انهد حيله ووقفوا الضرابه وملابسهم متقطعه وحالتهم لله))
بو فارس: خلاص؟؟ كل واحد فتك غيضه؟؟؟ خلاص يعني ، روحوا ولا واحد منكم يجابلني بعد هاليوم ولا خشمي بيدق خشمكم
ويشل محمد غترته ويقول" مهرة لي يعني لي" ويظهر ويصفق الباب وراه، ويقوم مايد ويروح غرفته فوق.
***********
مر اسبوع على هالسالفه ويت سلامه اخت مهرة من بوظبي وهي مستانسه انها بتعرس وماشي باجي عن العرس الا ثلاث اسابيع ومرة وهن ظاهرات السوق قالت سلامه لمهرة انها بتتأخر في شي من المحلات لنها بتم تقايس فاقترحت عليها تشل البشكارة وترجع لها بعد نص ساعه على شان ما تمل وافق مهرة بس قالت لها خلي البشكاره عندج عن تحتاج لها.
راحت مهرة تتمشى في المول ودخلت واحد من المحلات وهي يالسه اطالع ومب منتبه اانه في اثنينه شباب يطالعون صوبها ويتهامسون، وما درت الا وواحد منهم يقرب صوبها ويقول الشيخه وفجأة قطع رمسته واحد وقاله خير الحبيب فيه شي جان الريال يشل بعمررره وشرده،،، التفت مهرة صوووبه !!! وتفاجأت طلع سهيل
سهيل: انتي ليش تتحوطين بروحج؟؟ هااا منوه سمح لج
مهرة: نعم؟؟؟ خير؟؟ لا يكون انته ولي عليه وانا ما ادري
سهيل: ولي ولا مب ولي!! يخصني فيج ونص
مهرة: انا كيفي
سهيل: لا مب كيفج انتي ياهل وما تخلين بروحج
مهرة: ياهل انته (( وحست صوتها بيطلع وخافت انه الناس يشوفونها))
سهيل: يالله قومي بنسير
مهرة: وين ان شالله؟؟
سهيل: روحي السيارة وانا بتبعج لي ما توصلين البيت
مهرة: يعني البودي جارد مالي؟؟؟ لالا بويه لا تعب عمرك انا يايه مع ختيه لكبيرة وبروح عندها وفكنا منك
سهيل: لا حبيبتي (( قالها بالغلط بدون قصد بس تتدارك السالفه)) ما بتفتكين مني
((مهرة سكتت وما عرفت حست هالكلمة اثرت فيها وايد يا ربي شو صار فيها))
سهيل: زين اريد اطلب منج طلب بس لا تفهمين غلط ولا لالالا مب طلب هذا امر
مهرة: انا محد يامرني الا ربي وبووويه وامايه انته لا
سهيل: زين زين فكينا من هذربتج يالياهل اسمعي اتصلي على الرقم اريدج في شي ضروري
مهرة: حوووه انته شو تتحسب عمرك ترقمني هااا انا اقدر اسوي لك مشاكل
سهيل: فكيني من صدعتج اتصلي اقولج في شي يخصج عندي اذا تبينه اتصلي وان ما تبينه امرة بعطيه البشكاره
مهرة: لو تمووووت ما بتصل
سهيل: ويا ويهج مب حبا فيج اباج تتصلين ما عندي شغله ارمس يهال انا بس شي لج عندي
مهرة: محد ياهل غييرك
سهيل: يالله بطلي رمسه حفظي الرقم عدل عن تنسينه ولا تنسين تشربين حليب بابا قبل لا تنامين هههههه
مهرة: ((وهي مغتاظه)) حليب لك ويا ويهك
ويمسكها بيدينها ويمشي بها وجنها ياهل هي تمت مغتاااظه بس ما حبت تسوي سالفه جدام العرب وخصوصا انه الشباب اللي كانوا يشوفونها جنه شاكين بسالفه انه مب من اهلها وتمت تمشي مع سهيل وجنها ياهل توها بتدخل الروضه ووصلها المحل وقالها لا تحوطين بروحج مرة ثانيه فاهمه انا بترياج هنيه لين ما تظهرون وبتم امشي من بعيد واشوفكم بس سيده تروحن السيارة وخل الرقم في واحد من الاكياس اللي شالتنهن وقالها بترياج ولا تنسين تتغشين فاهمه!!!
دخلت مهرة المحل وهي متكهربه ومب رايمه تجمع افكارها شافتها ختها سلامه
سلامه: هاا بلالالاج مهاري
مهرة: لا ماشي خلصتي؟؟
سلامه: هيه بس بحاسبهم
مهرة : اوكيه
وخلصوا وظهروا وشافت سهيل وراهم وسلامه مب منتبه انه في حد وراهم لين ما ركبوا السيارة ومهرة متعودة انها تهذرب وما تسكت بس هالمرة تمت هاديه والكل مستغرب بس قالوا يمكن تعبانه
ويوم وصلوا البيت شافت سيارة سهيل انا راحت، سيده راحت غرفتها فووق، وفرت لكياس على الشبرية ويلست على الكرسي وهي كله تفكر في الموقف اللي صار،، ليش هي ما وقفته عند حده؟؟ ليش سكتت عنه؟؟ ليش تحس بشي غريب تجاهه،، ليش حست بجسمها كله كهربه يوم مسك ايدينها؟؟ هي كانت تقدر تفضحه وتفشله،، بس ما قدرت ترمس،، تمت على هالحاله لين ما دقت البشكاره عليها ووقالت لها عشا
مهرة: انا ما اريد عشــا،، بنــام
صوفي: لا مهرة يا قووم سوي أشا ما في زين هازا كلام
مهرة: قلت لج مابا ما اشتهي بنام
صوفي: ((وهي ترمس عمرها)) هراااام هازا بنت جيه ((وراحت تحت))
تمت مهرة تفكر وتذكرت انه خلا الرقم في واحد من الاكياس وبسرعه راحت وخذته وتمت تتطالع الرقم وهي تقول لعمرها هذا شو يبا مني بعد ملسووون ويبا يرمسني وبعدين اكيد هو في باله اني نفس هالبنات اللي يرمسن شباب، لالا يخسي الا هو يفكر اني جيه،، بس شو يبا شو الشي اللي يخصني عنده وقربت صوب التيلفوون وهي مرتبكه وتفكر وحالتها لله لين مسكت سماعة التيلفون ورفعتها وضربت الرقم ويوم سمعت اول
رنه سكرت التيلفووون وربعت وانخشت تحت اللحاف!!! وصاح التيلفون زاغت مهرة وقالت ما برد وبعد ما صااح وايد قالت يمكن مب هو وراحت وشلت التيلفون
مهرة:...........
سهيل: الووو السلام عليكم
مهرة: وعليكم السلام
سهيل: منوه متصل على هالتيلفون، يالطيبه؟؟
مهرة: انته منوه
سهيل: وابويه جيه انتو اللي متصلين مب انا
مهرة: ...................
سهيل: بلاج ساكته ما ترمسين!! هييييييييييه انتي الياهل
مهرة: محد ياهــل غيرك
سهيل: يا خوافه زين كملي الرنه ولا انتي من قووم بو رنه هههههههههه
مهرة: تستخف دمك حضرتك!!
سهيل: بس بس ما فيني على لسانج، اشحالج؟؟
مهرة: وانا متصله على شاني تسألني عن حالي؟؟ مشكور ماريد حد يسأل عن حالي
سهيل: اعنبوها من معاني، انتي مب مخلفين عليج هلج
مهرة: زين انا شو لي عندك؟؟
سهيل: اول قولي اشحالج
مهرة: ((( بغيييض))) حمدلله
سهيل: زين ما بتسأليني اشحالك
مهرة: (((بغيييض اكثر))) زين اشحالك
سهيل: بخير ونعمه ربي يعافيج
مهرة: يا بروود دمك اللحينه ما خبرتني شو تبا
سهيل: زين زين عن تاكليني،، في شي يخصج عندي
مهرة: زين شو هووووو
سهيل: جم تدفعين وتاخذينه؟؟؟
مهرة: نعم؟؟؟ ما سمعت عدل؟؟؟
سهيل: ههههههههههههه الاخت عيووز عمرها شهرين
مهرة: محد غيرك ويا ويهك،، يالله عاد وايد طولت وياك
سهيل: زين،، تحيدين هذاك اليوم اللي كنت فيه عند الرمل
مهرة: هيه بلاه؟؟
سهيل: ما حسيتي انه طاح منج شي؟؟
مهرة: اممممممممممممممممممم الشي الوحيد اللي حسيت به اني ودي افر عليك الرمل!!
سهيل: هههههههههههه بالمشمش
مهرة: لو ما الحيا جان فريته
سهيل: عادي ياهل ما تنلامين
مهرة: محد ياهل غيرك،، يالله خلصني قووول
سهيل: سلسلتج مكتوب عليها مهرة الكتبي
مهرة: وين حصلتهاااااااااااااااا
سهيل: ترى اقولج يالغبيه في الرمل
مهرة: ما تعرف كيف هالسلسله غاليه على قلبي،، وصحت صياح عليها،، مشكووور ما تقصر
سهيل: والله زين ظهرن فيج معاني
مهرة: ويا ويهك زين وينها اللحينه
سهيل: عندي، بس كيف اوصلها لج؟؟؟؟
مهرة: اممممممممممممممممممم ما اعرف بس انا اريدها
سهيل: والله انج خربوطيه،، فكري على الاقل
مهرة: انته حصلتها،، وانته تدور طريقة تعطيني اياها!!
سهيل: يا ســلام!!!!! زين حصلت طريقه،،
مهرة: قوووووول يالله
سهيل: انتوا متى بتيون العزبة؟؟
مهرة: ما اعرف
سهيل: انتي كله ما تعرفين؟؟؟؟؟
مهرة: ويا ويهك ،، زين زين عادي بقدر ادبرها متى انته بتروح
سهيل: انا عادي في أي وقت،، سمعي انتي شوفي متى بتروحين وردي لي خبر
مهرة: اوكيه بنشد امايه وخلاف بقولك،، بس كيف اقولك؟؟؟
سهيل: اعنبوه مب غباء عليج!!! هههههههه
مهرة: خلني اشوفك بس شوف شو بسوي بك
سهيل: والله؟؟؟ شو بتسووين يالله قووولي قووولي
مهرة: المهم كيف صج بقولك
سهيل: عندج الرقم ويوم بتروحين قول لي
مهرة: لا ما فيني ارد اتصل بك ما با
سهيل: خلي عنج سوالف اليهال، واتصلي يوم بتون تروحون ولا تراني مب محتاج للسلسله
مهرة:اووه زين زين اوكيه
سهيل: هيه جيه خلج مطيييعه مب عناديه
مهرة: زين ما عليه انا برووويك
سهيل: ههههههه زين يالله اللحينه عن حد يدخل عليج من هلج،، وانا ما ارضى حــد يغلط عليج
مهرة: زين يا بووو قلب حنووون!!!
سهيل: هههههههه لا مب حنان بس خوفٍ عليج وبس
مهرة: خــلاص ما عليه ان شالله خير..
سهيل: ان شالله خيــر،، وداعة الله
مهرة: ربي يحفظك،،
سهيل: بـــاي
مهرة: لحظه
سهيل: هـــلا
مهرة: انته شو اسمك؟؟؟
سهيل: هههههههههههههه سهيل
مهرة: عاشت الاسامي
سهيل: عاشت ايامج يا مهرة
مهرة: وتعرف اسمي بعد!!!
سهيل: ياربي تصبرني على هالغباء،، اتراه مكتوووب على السلسله ههههههه
مهرة: هههههههه اوه نسيت، يالله وداعة الله
سهيل: مع السلامه
مهرة: سهيل.. او اخ سهيل
سهيل: (( وحس انه قلبه بيطلع يوم قالت اسمه)) عيونه
مهرة: تسلم عيونه،، مشكور
سهيل: افا عليج ما سويت الا الواجب
مهرة: شكرا،، بباي
سهيل: مهرة
مهرة: (( بعد حست رووحها بتطلللع يوم قال اسمها)) هــلا
سهيل: هالله هالله في نفسج،، زين
مهرة: ان شالله,,
سهيل: يالله وداعة الله
مهرة: مع السلامه،،،
وتنتهي المكالمه وكل واحد منهم في صـــوب،، مهرة تفكر فيه ومب رايمه تنسى كل كلمة قالها،، وتحس صوبه بشعور غريب،، وتتذكر ضحكته،،، ورمسته،، وكل شي،، لو حد بيقولها سمعيني شو قالج بتقوله من حرف الألف لين الياء!!
وفي الصوب الثاني سهيل، متخبل عليها، حس انه متعلق فيها بطريقه غريبه،، حس انها غير عن كل البنات،، ضحكتها، همسها، كل شي فيها،،،،،، وتم يتخيلها،، ووده يلمس ايدينها!!!!
******
في الصباح قامت مهرة نشيطه، وتحس انه في قلبها فرحه غريبه، ونزلت ولقت ابوها وامها وخوها مبارك وعياله وخواتها فطامي وسلامه ، وراحت وحبت راس ابوها وامها، وسلمت على خوها العود وعلى خواتها.
مهرة: اشحالكم؟؟؟؟؟
مبارك: بخير يا دلووعة العايله
مهرة: ههههههههه حرام عليك انا مب دلوعة مول هههههههه
فطامي: يوم انتي مب دلوعه منوه دلووع؟؟ بس بيني وبينج خلج جيه حلو الدلع للبنت ههههههههه
سلامه: هيه هيه تعالي علميني انا!! انا اللي بعرس مب هي ههههههههههه
مهرة: ههههههههههههه غربلات ابليسج
مبارك: شو اخبار الجامعه مهاري؟؟
مهرة: والله تمام مرة معانا وعشرة علينا هههههههه
مبارك: يالله الله يوفقج ونفرح فيج انتي وسلامه
بومبارك: الله يخليكم لي ان شالله
ام مبارك: آمين يا بو مبارك،،،
مهرة: امايه
ام مبارك: عونج يا بنيتي
مهرة: في خاطريه شي
ام مبارك: امري حبيبتي
مهرة: في خاطريه امايه اروح العزبة
ام مبارك: ما طلبتي حبيبتي اليوم العصر بنسير هناك جان تبين
مهرة: احببببج وايد امايه مشكووورة
سلامه: يالله يالله مهاري شو تبين فيها العزبة،، يالغبيه بتخترب بشرتج
مهرة: يالله انا امووت موووت بالعزبة أي بشرة أي خرابيط،، انا جمالي طبيعي فديتني
سلامه: يالله يا ام جمال طبيعي
ام مبارك: ها بومبارك بتخاوينا
بومبارك: هيه اكيد مالي غنا عن العزبة والرجايب،، ها يا ولدي مبارك ما بتسير
مبارك: والله الصراحه ودي اروح وياكم،، بس عندي شغيلات،، حرمتيه في بيت هلها ولازم امر عليهم لنه عمتي مريضة.
ام مبارك: ما تستاهل ام خالد،، شو صايبنها يا ولدي
مبارك: والله يا اميه ما ادري بس سمعت حرمتيه تقول ظهرها يعورها
ام مبارك: سلامتها ما تشوف شر سلم عليها يا ولد وايد
مبارك: ان شالله اميه
ام مبارك: فطامي ما بتسيرين
فطامي: لا امايه ما فينا وبعدين انا وسلامه بنسير السوووق
مهرة: لا ما تسيرووون عني
فطامي: اتراج بتسيرين العزبة
مهرة: اوه نسيت زين لا تروحن وايد اماكن
سلامه: يالغيارة بيي دورج لا تخافين هههههههههههه
الكــل يضحك وياهم,,,
وفي غرفة مهرة،، مسكت التيلفون واتصلت لسهيل
سهيل يوم شاف الرقم فــز قلبه وبسرعه رد عليها عن تسكر
سهيل: مرحبا
مهرة: اليوم بنروح العزبة
سهيل: هههههه شوي شوي زين قولي السلام عليكم مرحبا شي
مهرة: ما عندي وقت
سهيل: انتي مووول ما عندج مذهب
مهرة: انته لي ما عندك مذهب،، زين هااا السلام عليكم ارتحت
سهيل: وعليكم السلام والرحمة اشحالج
مهرة: حمد لله بخير اشحالك انته
سهيل: (( وهو مستانس)) بخير ونعمه الحمدلله
مهرة: زين انا متصله اخبرك اننا بنروح العزبة اليوم العصر ان شالله
سهيل: (( يسوي عمره اونه مشغول)) اممممم ما ادري مب اكيد اني بسير
مهرة: نعم؟؟؟؟؟؟ خل عنك بتسير يعني بتسير
سهيل: غصب السالفه
مهرة: هيه غصب لني انا بروح لازم تروح زززين
سهيل: عيل ما بسير وبشوف شو بتسوووين
مهرة: بتسير يعني بتسيييييييييييير
سهيل: زين شو يوديني هناك
مهرة: لني ولهانه عليك وبشوفك هيهيهيه بايخه ادري،،، على شان شوه بعد اكيد على شان السلسله
سهيل: (( حس انه هالكلام من قلبها بس اونها تتمصخر)) زين ادري بتموتين مووت تريدين تشوفيني
مهرة: هيهيهيههي آخر شخص اتمنى اشووفه ما عندي شغله انا غيرك؟؟
سهيل: هيه ما عندج شغله غيري ولا بتستوي عندج شغله غيري فاهمه
مهرة حست انها مستحيه وجان تضحك وغيرت السالفه
مهرة: على العموم بشوفك هناكي ان شالله اوكيه يا سهيل؟؟؟
سهيل: من عيوني (( وهو طاير من الفرحه لنها قالت اسمه))
مهرة: اللحينه بسكر لأنه خواتي هنيه، تامرني بشي؟؟
سهيل: مكتوب قلبي بحبك يذوب**ويصير بيني وبينك اعجاب*وتكون لي في العمر محبوب**تامر وامرك كله مجاب
مهرة: اووه شاعر الاخ (( وهي مستحيه))
سهيل: لو كتبت اروع قصايد بالعمر ... كل احاسيس الهوى تخضع لودك .. لو جمعت الدر واصداف البحر .. ما تعادل كلها لو ربع وجدك
مهرة: ((وبعدها مستحيه)) هذا لي؟؟
سهيل: لو تطلب عيوني تراني عطيتك**وش عاد لو تطلب اعز القصايد**لو تطلب الروح الوحيده فديتك**عليك ما تغلا ولا شي كايد
مهرة:................
سهيل: بصبر انا ما دام هذي بغيتك**صبرت نفسي وع الصبر لي عوايد
مهرة:................
سهيل:ان كنت مشتاق فأنا الف مشتاق**صورة خيالك بين نومي وعيني** الكون دونك يا هوى البال بي ضاق**ولا غير شخصك بالغلا يحتويني
مهرة: سهيل...
سهيل: عونك حبيبي عونك**اموت بك وافداك**آمر فديت عيونك** دايم على يمناك**مالي عزا من دونك** ولا ارتاح غير اوياك
مهرة حست عمرها في عالم ثاني،، هي كانت تسمع عن سوالف الشباب وكان الخوف يراودها انه سهيل من هالنوع،،، وسهيل كان مب هو اللي يتكلم،، كان قلبه اللي يتكلم،، كان كانه هايم،، وهو في حياته ما كلم حد بهالطريقة... فجأة سمعت مهرة البشكارة تناديها لنها يت صلاة العصر وهي بعدها يالسه ترمسه وما حسوا بالوقت,,
سهيل: اسمعهم يزقرونج،، اسمحي لي اذا ازعجج كلامي
مهرة: لا بالعكـــس ......................................سهيل؟؟
سهيل: ((ويتنهد تنهيده طووووويلة)) عيونه
مهرة: تسلم عيونه،،، بعد شوي بنروح العزبة بتي ولا مشغول
سهيل: اكيد بيي اكيييييييييييييييييد اكيد يا مهرة
مهرة: ((وهي مستحيه)) عيل انا بترياك سهيل
سهيل: عيدي كلمة سهيل مرة ثانيه
مهرة: ((استحت)) سهيل
سهيل: ((وتنهد مرة ثانيه)) يا محلا منطوقج
مهرة: تسلم
سهيل: يالله عن تتأخرين،، بترياج زين بتريااااااااااااج
مهرة: اصلن غصبن عنك لازم تترياني ههههههههههه
سهيل: هههههههههههه اكيد
مهرة: يالله وداعة الله ولا تنسى صلاة العصر
سهيل: من عيوني ان شالله وانتي بعد
مهرة: ان شالله،،، مع السلامه
سهيل: مع الف سلامه
وسكرت مهرة،، وتم سهيل يفكر في الكلام اللي قاله،،، وحس انه مب طبيعي،، اول مرة ينجذب لبنت بهالطريقة،، وهو اللي في حياته ما لفتت نظره بنت!!! معقوله هو حبها؟؟؟؟
ومهرة تفكر في كلامه وهل هذا صحيح؟؟ من قلبه؟؟؟ ولا متعود يقوله لحد غيرها؟؟؟ بس هي وايد استانست عليه وهي تحس انه غير ماقد حست هالاحساس،، معقوله هي بعد حبته؟؟؟؟؟
******
راحوا العــزبة واول ما وصلو قالت لهم مهرة انها بتسير تتمشى،، جان تقولها امها ما تروح بعيد فقلت مهرة ان شالله وسارت بسرعه لنفس المكان،، وشافته يالس بس كان عاطنها ظهره،،، ما عرفت كيف تنبهه انها وصلت،،،، بس شوية تحركت وجان يلتفت وكانت الشمس ضاربة في ويه مهرة ومخليها ويها يلمع،، وابتسامه خفيفه رقيقه على شفايفها،،،
سهيل: مهرة؟؟
مهرة: سهيل؟؟
سهيل: هلا وغلا تفضلي تعالي
مهرة: يعني هالمرة الرمل لي انا هههههههه
سهيل: اممممم هيه بس هالمرة ههههههههههههه
مهرة: يعني غلبتك
سهيل: هالمرة بس ههههههههه اشحالج مهرة
مهرة: حمدلله اشحالك انته
سهيل: حمدلله تمام بنعمه..
تموا فترة يطالعون في بعض ويتأمل كل واحد الثاني،، لين مهرة نزلت راسها،،،
سهيل: تعالي ايلسي
مهرة: ما فيني اتأخر وينها
سهيل: السلسله!!! اووووووه نسيتها
مهرة: لالالالالا حرام عليك
سهيل: هههههههههه قصيت عليج
مهرة: ويا ويهك خرعتني
سهيل: زين هذي خذيها
مدت مهرة ايدينها تاخذ السلسله،، بس طاحت السلسله من ايد سهيل وراحت مهرة بتاخذها وسهيل بعد نزل ايدينه بياخذها وفي هاللحظه تلامست ايدينهم،،، عاشوا في عالم غير عن هالعالم،، عالم بدون مشاكل،، عالم فيه الحب والشوق والوله والحنان،،،
سهيل: مهرة ممكن اقولج مهاري؟؟
مهرة: .............................
سهيل: السكوت علامة الرضا،،، مهاري
مهرة: لبيه
سهيل: لبيتي في منى ان شالله،، مهاري،،، اريد اقولج شي،،
ومهرة قلبها يضرب بسرعه وتحس انها في عالم ثاني
سهيل: مهاري،، ما اعرف ليش اقولج هالكلام،، يمكن مب من حقي اني اقوله،، او يمكن ما تصدقيني،، مهاري انا مب راعي بنات مــول وما في حياتي رفعت عيني في بنت،، انا لي حياتي وبس وما يخصني في حد مول،، مهاري،، انا يوم كنت اقولج الكلام اللي كنت اقوله في التيلفون اليوم مب انا اللي كنت ارمس،، هذا قلبي،، مهاري،، ما اعرف ليش احس انج غير،، ما اعرف ليش اتلهفت عليج وايد مهــاري،، ادري انه كلامي مخربط،، بس صدقيني انا روحي مب عارف شو اللي صار فيني،، مهاري،،مهاري،، حاسه فيني؟؟
مهرة:............................بصوت خفيف حاسه فيك
سهيل: مهاري،،، فديتج
مهرة:..........................
سهيل: مهاري،، يعلني ما اخلا منج،،، مهاري،،،، مهاري،،،مهاري
مهرة: ((وعيونها في الارض)) عيونها
سهيل: علني ما اخلا من عيونها،، يعلني فداهن هالعيون،، مهاري،، انا ما اريد اغلط وياج،، وهلج تراهم هليه،، واللي يمسج يمسني،،، مهاري،، تريديني؟؟؟؟
مهرة:.........................................
سهيل: جاوبيني مهاري؟؟ تريديني؟؟؟ ما تعرفين كيف انا متعذب
مهرة: حتى انا
سهيل: فديتج متعذبة شراتي؟؟ عيوني شي فيج؟؟؟ اتعذب انا ولا تتعذبين انتي
مهرة: سهيل
سهيل: عيونه،،قلبه،،روحه،، آمريني
مهرة: حتى انا ما اعرف ليش احس انك مختلف عن الباجيين
سهيل: مهاري،، تريديني؟؟؟؟ من باجر الصباح لالا من هالساعه بسير ارمس هليه اني اباج،، وان شالله تتيسر الامور،، واعيش باجي عمري وياج مهاري
مهرة:...........................
سهيل: مهاري،، اذا ما تبيني ما بجبرج،،،،، بس تاكدي اني اباج على سنه الله ورسوله،،،
مهرة: انا ما قلت ما اباك(( وابتسمت))
سهيل: قوليها قوووولي انج تبيني مثل ما انا اباج قووووولي وريحيني
مهرة: ......................
سهيل: رجيتج بالله انج تقولين وتريحيني مهااااري دخيلج
مهرة: ااااااااااااااااااااااااريدك
وخطفت تــربع صــوب عزبتهم ونست السلسله عنده،،، بس هي ما اهتمت،، هي كانت تربع وقلبها مب عندها،، قلبها عند سهيل،،،،كانت تفكر كيف صار هالشي وكيف استوى بس هذا كله مب مهم المهم انهاااااااا تحبه هيه تحببببه وتموت فيه،،،،، يوم وصلت هناك حصلت اهلها يالسين وراحت وطاحت في حضن امها وامها لوت عليها
ام مبارك: خير الغاليه شو فيج؟؟ شو صار
مهرة: لا امايه بس اشتقت لج واااااااااااااااااايد
بو مبارك: يا عيني على الدلع
ام مبارك: هااا بومبارك جنك بديت تغار
بو مبارك: يعني شويه اعنبوه ماشي لنا نحن شويه ههههههههههه
ام مبارك: ههههههههههههههههه انته الخير كله يا بو مبارك
ورجعوا من العزبة وراحت مهرة صوب غرفتها،، وطاحت على الشبرية وهي كله تفكر في سهيل،، وتقول في خاطرها احبه احبببببه ما اعرف كيف بس احبببببببه وهي يالسه تفكر،،، نامت بدون ما تحس لين وعت على صوت التيلفون وكانت الساعه ثلاث الفجــر
مهرة: الوه
سهيل: مهاري؟؟
طار الرقاد من عيونها،، وفز قلبها من مكانه
مهرة: سهيل
سهيل: اسمحي لي اني اتصلت بس
مهرة: لا بس ولا شي،، عادي افا عليك
سهيل: زين عيل بصدعج اربع وعشرين سااااعه شو رايج
مهرة: يا وووويلك بيي عندك وباخذ تيلفونك وبفره من الدريشه
سهيل: انتي بس تعالي،، ولو تبين فريني انا بكبري هههههههههه
مهرة: هههههههههههههههههه
سهيل: مهاري
مهرة: عيونها
سهيل: تسلم،، مهاري سلسلتج ما شليتيها
مهرة: جنك مسوي لها عمل مب راضيه توصل عندي ههههههههه
سهيل: احلا عمل ههههههههههههههه مهاري
مهرة: هلا
سهيل: اتضايجتي من كلامي اليوم
مهرة: أي كلام
سهيل: كلالالالامي عن الغبااااء عاد هههههههههه
مهرة: هههههههههه كنت نايمة يوم انته تكلمني هههههههههههههه
سهيل: فديت هالضحكه والله يعلني اعيش لين اشوفج تضحكين جدامي
مهرة:.............................
سهيل: مهاري،،، انا قررت ارمس امايه عنج
مهرة:..............................
سهيل: مهاري ما اريد اعيش بدونج،، مهاري،، انا انا انا احبببببج
مهرة: ..................... بدون حاسية صرخت فجأة حتى انا
سهيل: هاا حبيبي!! ما سمعت!! عيديها
مهرة: ...................
سهيل: عيديييييييها ارجوج
مهرة: حتى انا
سهيل: حتى انتي شووو
مهرة: انا انا
سهيل: انتي شووو قووولي لا تخليني على ناار
مهرة: ......................أ ح ب ك
وتنهد سهيل تنهيده طوووويله،،،
سهيل: مهاري،، بتحاربين الدنيا معايه على شان نكون لبعض ان شالله
مهرة: انا مستعدة اسوي أي شي بس اعيش وياك
سهيل: فديتج حبيبي،، ان شالله بنكون لبعض ان شالله
مهرة: ان شالله
سهيل: يالله حبيبي،، قومي نامي انا وعيتج من رقادج
مهرة: لا فديتك
سهيل طااار من الفرحه على هالكلمه،، حس انه ملك هالكون في ايدنيه
سهيل: زين ممكن أطلب منج طلب
مهرة: آمر
سهيل: ما يامر عليج عدو يالغلا،، انا ما اريد اسبب لج مشاكل،، بس ودي كل يوم يوم بتين تنامين تتصلين فيني وتقولين لي تصبح على خير،، والله العظيم يا مهاري انه في حياتي ما طلبت من بنيه هالطلب
مهرة: من عيوني وانا مصدقتنك سهيل
سهيل: علني ما اخلا منج يالغلا،،،،،،
مهرة: يالله انته بعد قوم نام،،،
سهيل: من عيوني يالغاليه من عيوووني
مهرة: تصبح على خير واحلام سعيدة
سهيل: وانته من هله غناتي تغطي عدل
مهرة: ان شالله وانته بعد
سهيل: ان شالله
مهرة: وداعة الله
سهيل: مع السلامه
مهرة: في حفظ الله
سهيل: مهاري
مهرة: عيونها
سهيل: احبج
مهرة:............................
سهيل: احبج واموت فيج،، لو ما قلتيها احس بها احس بنبضج،،وبقلبج
مهرة: سهيل
سهيل: عيونها
مهرة: احبك
سهيل: فديتج يالغاليه حتى اناامووت مووت فيج
مهرة: وداعة الله
سهيل: مع السلامه
*******
بعد فترة راح سهيل وخبر امــه انه يبا يتزوج،، وقالت له انه لازم خوه عبدالله يعرس قبل،، بس اذا رخصه عبدالله برايه،،،فراح سهيل لأخوه في المكتب
سهيل: السلام عليكم ورحمة الله
عبدالله: وعليكم السلام والرحمه هلا والله غرريبة
سهيل: ما غريب الا الشيطان،، اشحالك بو حميد (( سهيل شاف اخوه مب طبيعي ويهه وايد تعبان))
عبدالله: بنعمه ربي يعافيك اشحالك انته؟؟؟ شو هالصدفه الحلوه
سهيل: بنعمه ربي يعافيك،، لا بس ييانك اباك في موضوع
عبدالله: تفضل آمر بغيت شي؟؟؟
سهيل: يا خويه بغيت اعرس
عبدالله: زين عرس
سهيل: لا مب جيه قالت امايه انك لازم تعرس قبلي او ترخصني اعرس قبلك
عبدالله: زين خلاص انخلي الفرحه فرحتين،، حتى انا ابا اعرس
سهيل: (( فز قلبه وما يعرف ليش)) ماشالله مبروك خويه،، هاا منوه سعيدة الحظ؟؟
عبدالله: بنيه شفتها وعيبتني وكنت اليوم برمس امايه عسب نخطبها
سهيل: الله يوفجك ان شالله
عبدالله: وانته منوه اللي في خاطرك؟؟
سهيل: بعد ربك بنيه شفتها وعيبتني
عبدالله: زين ما عليه اليوم بنرمس امايه وابويه عن الموضوع،،، وان جان وافقوا بنخلي العرس مع بعض
سهيل: بنرمسهم اليوم ان شالله،، بس العرس ابا عروستيه تكون بروحها
عبدالله: عــلى هـــواك
سهيل: وداعة الله
عبدالله: نلتقي ان شالله اليوم لمغرب في الخيمه
سهيل: خير ان شالله
*****
في بيت خليفة عم مهرة.....
بو فارس: والله هالاولاد غربلوني ولعوزوني ما عرف شو بسوي وياهم
ام فارس: هيه والله يا بوفارس
فارس: تبون شوري ؟؟
بو فارس: قول يا ولدي تراني تعبااان
فارس: سلامتك بويه ما تشوف شر،، انا اقول انه محمد ياخذ مهرة
بو فارس: والله يا ولدي ما ادري شو اقولك،، حتى انا اريد محمد ياخذ مهرة،،، لنه مايد بعده لين يكون نفسه ويعتمد على عمره،،، بس ما نريد نسوي مشاكل بين الاخوان
فارس: ان شالله ما بتستوي يا بويه،،، والزمن كفيل بأنه ينسي مايد مهرة،، وبنخطب له وحده ثانيه
وهالساعه دخل محمد،، وراح سيده وحب ابوه على راسه
محمد: سامحني يا بويه،،، سامحني،،،
بو فارس: لا يا ولدي لا تقول جيه،، بس انتو عيالي ومربنكم ويحز في خاطريه اشوفكم جيه
محمد: الله يغربل الشيطان،،،،،،
بو فارس: يالسين تونا نناقش السالفه
فارس: هيه ووصلنا لحل وبغينا شورك
محمد: تفضلو وانا حاضر باللي تبونه
فارس: قلنا انته لو تاخذ مهرة ومايد بيكبر وبيعقل ان شالله
محمد: ما اريد اسوي مشاكل بيني وبين خويه
بو فارس: والله يا ولدي ما ادري شو اقولك
محمد: انا يا بويه اريدها بنت عمي،، ومن زمان خاطريه ودي آخذها وكنت بكلمكم قبل هالوقت بس ما سمحن الظروف
ام فارس: والله مهرة غاليه،، وانا احبها مثل وحده من بناتي،، وما بتحصل حد احسن منها
فارس: هاااا نقول مبروك؟؟؟
محمد: ومايد؟؟
فارس: مايد خله عليه،، ما عليك منه....
بو فارس: خلاص يا ولدي اليوم او باجر ان شالله بكلم عمك،، ويصير خير ان شالله
محمد وايد استانس وقال في خاطره اخيرا مهاري بتستوي لي انا وبس،،،
فارس: هااا من اللحينه بدينا السرحان هههههههه
محمد: ههههههههههه شفت عاد
ام فارس: مبروك يا ولدي،،،
محمد: بس
فارس: بس شوووو
محمد: ما اعرف اذا مهرة تباني ولا لا
ام فارس: ما بتحصل حد احسن منك وانته اولى من الغريب
محمد: ان شالله خير
*****
في بيت قوم سهيل وبعد صلاة المغرب، كانوا كلهم متيمعين وابتدى سهيل بالسالفه
سهيل: الوالد انا بغيتك في موضوع
بو عبدالله: تفضل يا ولدي آمر
سهيل: ما يامر عليك عدو، يا الوالد بغيت اعرس
بوعبدالله: هاذي الساعه لمباركه يا ولدي
عبدالله: وانا يا بويه بعد بغيت اعرس
بوعبدالله: والله احلا ما على الريال يوم يشوف عياله بيعرسون، هاا بغيتوا امكم تدور لكم ولا محصلين
سهيل: لا يا بويه انا محصل وما في خاطريه حد غير هالبنت
عبدالله: حتى انا يا بويه محصل
بو عبدالله: زين يا عيالي جانهن بنات عرب واصل امرة ما بقصر عليكم بشي
سهيل: انا يا بويه خاطريه آخذ بنت قوم بن مهيّر
بو عبدالله: قوم بن مهيّر الكتبي؟؟
سهيل: هيه بويه،، اريد بنتهم
عبدالله مستغرب لا يكون نفس البنت اللي يباها،،
بو عبدالله: وانته يا ولدي منوه تبا
عبدالله: شكلنا يا سهيل الا بناخذ من نفس الدار
سهيل: شو تقصد يعني
عبدالله: انا بعد انا اناسب قوم بن مهيّر
بو عبدالله: زين والله جان عندهم بنات امرة العرس في ليلة وحده ونخلي الفرحه فرحتين
سهيل: منوه من بناتهم بغيت
عبدالله: هاذيج البنت اللي كلمتك عنها
سهيل: لا مستحيل!!!!!!
عبدالله: ليش شو المستحيل فيها
سهــيل خــذ اخوه في صــوب وطــلب من ابوه انه يأجل الموضوع شويه، وظهر سهيل وهو ماسك ايدين اخوه وحس انه اخوه فيه شــي
عبدالله: سهيل، انته تبا نفس البنت اللي كنت مختارنها
سهيل: اعتقد جيه
عبدالله: زين يا خويه نحن ما بنتخلف على بنيه خــذها ولا تحطها في خــاطرك،،،
انصدم سهيل من ردة فعل عبدالله، لأنه اول مرة عبدالله ما يعاند في سالفه،، وهو متعود ياخذ كلا للي يباه لو حتى وقف كل العالم في ويهه،،
سهيل: عبدالله، يا خويه شو بــلاك؟؟
عبدالله: سهيل،، ما فييني شي واعنبوه الدنيا ما تسوى،،وجم تسوى عندي يوم اشوفك مستانس وفرحان وخصوصا انك انته خويه لصغيروني
هنيه انصدم اكثر سهيل،، لأنه ما توقع عبدالله يكون طيب لهدرجه، وهو ياما كان قلبه جاسي مع سهيل
سهيل: عبدالله،،
من نطق سهيل اسم اخوه، راح عبدالله وقعد على الكرسي وغطا ويهه
سهيل: شو فيك عبدالله،، تعبان،، مريض؟؟ خويه رد عليه لا تم ساكت
عبدالله: يا سهيل انا تعباان تعبان يا خويه
سهيل: خير ان شالله خويه شو بــلاك؟؟ من شو تشكي؟؟
عبدالله:ما اقدر اتكلم هنيه ما فيني بويه وامايه يشوفوني ويسون لي سالفه
سهيل: زين قوم يا خويه بنروح صوب الرمل تراه الجو هناك فنان
وبدون ما يرد عبدالله قام ومسك ايدين اخوه وظهروا مع بعض،، وركبوا السيارة ووصلوا عند الرمــل، ونزل عبدالله ونزل وراه سهيل ويلسوا على الرمل وعبدالله يطالع في السما وجنه هموم الدنيا كلها على راسه، سهيل: عبدالله، تراني اخوك،، ومهما صار بعدنا اخوان،، والاخوان لبعض
عبدالله: يا خويه شو اقولك،، انا تعبان وندمان،، شو اسوي بعمري،،،
سهيل: يالله خويه فضفض وارمس تراني اسمعك وان شالله اقــدر اساعدك
عبدالله: يا خويه انته تعرف كيف حياتي، كلها لعب ومغازل،،، وجنه الحياه عندي ساعه وحده ما فكرت في أي شي بس الشي الوحيد اللي فكرت فيه كيف اسعد نفسي وارضي رغبتيه،، (( وسكت عبدالله وطاحت دمعه من عينه)) سهيل عوره قلبه لأنه اول مرة يشوف اخوه في هالحاله وراح ومسك ايد اخوه
عبدالله: يا سهيل يا خويه،،، صــار لي موقف خلانيه اراجع نفسي وتصرفاتي لقيت كل شي سويته ما فيه فايده،، ما سويت شي لربي واحس اني وايد مضايج يا خويه،،،
سهيل: يا عبدالله ربك رب الرحمه،، وارحم على بني ادم من امه وابوه
عبدالله: يا خويه من بين البنات اللي تعرفت عليهن، تعرفت على وحــده كانت غير عنهن كلهن،، كانت مب من النوع مالت الشباب، ولا انها تريد شي مني،، كانت بس تبا حبي،،، يا خويه،، انا كنت ارتاح لها وايد،، بس ما كنت اعبر لها عن هالشي،، كنت اسولف وياها اقولها وايد كلام ما قلته لحد غيرها،، بس بعد كنت العب من وراها،، وكنت ما اهتم فيها مول،، يوم ارمسها واسبوع لا،، كنت اكابر احساس في داخلي،،،وكانت هي تحبني صــج،، وكانت كل كلمة تقولها صادقة بس انا كنت كله اسوي لها طــاف،، في يــوم من الايام خطرت في بالي فكرة جنونيه،، قلت لها اذا كنتي تبيني استمر وياج لازم لازم اشوفج،، هي ما وافقت وقطعتها اسبوع وانا ادريبها ميته ومتعذبه وهي ما تقدر بس انا خلاص خليت الفكرة في بالي منها انتصر لرغباتي ومنها افتك منها (( وهنيه عبدالله خلى ايدينه على ويهه وتم يصيح))، تم سهيل يحاول يهديه ويقوله اذكر الله
عبدالله: وآخر شي يا سهيل وافقت وياليتها ما وافقت،،،، وانا كبرت الفكرة في راسي،، وانا متعود على هالسوالف، وهي كانت متخبله عليه وتحبني بس انا للأسف كنت العب،،، تواعدت وياها انها تروح الحديقه وانا امر وآخذها وقالت لي اوكيه،، هي كانت ميته من الخوف وانا عادي اضحك واسولف،، الين يا هاليوم ورحت لها الحديقة وويت وركبت السيارة كانت فعلا احلا بنيه شفتها ،، وكنت بس افكر كيف ارضي نفسي،، والله انها كانت ترتجف وانا اعرف انها ما قد راحت مع حـد انا الخايس انا النذل انا اللي ما اسوى ثراها،، ((ورجع يصيح مرة ثانيه،، وتم سهيل يهديه ويهديه ))
عبدالله: رحت وياها في مكان محد فيه،، وطلبت منها شــي حقير،، بس هي ما وافقتني وتمت تترجاني وتقولي حرام عليك انا ظاهره وياك ومأمنه فيك ارجوك حرام عليك،، وانا كنت حقير ما استمع لرجائها،، وآخر شي عصبت منها،، وقلت لها انزلي من السيارة،،، تمت تصيح وتترجاني اردها على الاقل لنها ما تعرف ترد بروحها وما قد ظهرت بروحها،، انا ضربت برجائها عرض الحايط ولا اهتميت،، انا خليت في بالي انها ما وافقت على رغباتي الدنيه،، وعناد فيها بنزلها هنيه،،، وتمت يا سهيل تترجاني وانا مب مهتم،، رحت وفجيت الباب وهي تصيح وفريتها فرة جلاب وانا الجلب اللي ما استحق اعيش وخليتها تهيم بروحها ورحت عنها،،، انا نـــــذل انا حقير يا سهيل،، اخوك ما يستحق يعيش،،،، تدري شو صار لها؟؟؟؟؟ تدري؟؟؟؟ ((وعبدالله وهو يقول جيه يصيح ويصيح ويضرب بيدينه على الرمل)) يا خويه،، تدري شووو ياها بسبتيه؟؟؟ كان قلبها ضعيف وهي كانت دوم تقول انها تتعالج في المستشفى عن القلب وانا ما كنت مهتم مووول،، تدري شو ياها؟؟؟ يا خويه ماتت من كثر الخــوف لنها مب متعودة تكون بروحها،،، مشت لين الشارع العام وطاحت هناك،، وفي المستشفى قالوا انها ماتت لنه قلبها توقف ،، انا نذل انا حقير،، انا السبب،، يا خويه شو اسوي بعمري؟؟؟ وين اروح؟؟ ياليتني انا اللي مت ومب هي؟؟ يا ويـــل قلبي يا خويه ؟؟ وين بروح من ربي؟؟ (( سهيل دمعت عيونه، وعبدالله يضرب بيدنيه على الرمل من كثر الصياح، وراح سهيل وحضن اخوه وتم يهديه واخوه يصيح ويصيح لين ما غمى عليه، وتروع عليه سهيل وخذه ووداه المستشفى.
****
في المستشفى سهيل يالس عند راس اخوه واموه وابويه يالسين حذاه،،، لين فتح عبدالله عيونه
سهيل: عبدالله، حمدلله على السلامه
عبدالله: وين انا شـــو صار لي؟؟؟
ام عبدالله: خرعتنا عليك يا ولدي،،، ما تشوف شر يا ولدي
بو عبدالله: سلامتك يا وليدي،،،،
سهيل: لا ما عليكم هو بس شويه يدلع
عبدالله: ههههه منقود الريال يدلع!!
سهيل: هههههههه شو نسوي بك عاد
وبعد ما تطمنوا هله عليه راحو عنه وتم هو وسهيل
سهيل: يالله يا خويه تراني افتقدتك
عبدالله: تعرف يا سهيل اول مرة احس اني جريب منك لهدرجه،،،والله يا خويه كان الشيطان لاعب في راسي،، الله ياخذه،،، يا خويه شو اسوي اللحينه احس اني تايه
سهيل: حط الرحمن في صدرك يا خويه،، وربك رب الرحمه،، ويقبل التوبه من عبده واحب الناس لله سبحانه الخطائون التوابون،، قوم يا خويه وصل ركعتين وتوب لربك واترحم على البنت،، وغيّر يا خويه حياتك،، واتجه لربك يا خويه،، ما بيفيدك أي شي غير صلاتك ورضى ربك عليك يا خويه
((ادمعت عين عبدالله، لنه تذكر انه من زمااان ما قرا قران وكان يصلي من اليمعه لليمعه ومن العيد للعيد، تذكر عذاب ربه،، وهو عمره 27 سنه ولا يذكر انه مسوي شي زين لربه،، كان كل وقت معاصي وذنوب، وقام وراح وتوضا وبدا الصلاه، عند اول سجود تم يصيح ويصيح،، حس لأول مرة كيف انه قلبه كان جاسي،، كيف كان يعيش حياته وهو ما سجد لربه سجده من خاطره،، تم يصيح وجنه يغسل ذنوبه، وسهيل يوم شافه جيه دمعت عيونه،، وابتسم ابتسامة راحه،، لأنه شاف اخوه راح للدرب الصحيح))
هل هيأت الزاد،، جهزت للمعاد
ام كنت في رقاد، وغفلة العصاه
ام آن لهذه العين تدمع،، ام آن لهذه الاذن ان تسمع،،اما آن لهذه النفس ان تشبع
كن داعيا لله،، لا عاصيا لله،، وارضى بحكم الله
مهما ضاقت بك الامور،، على البلاء كن صبورا
واتق المولى الشكور،، كن له عبدا شكورا
لا تعترض على امر الله،، كن واثقا دوما بالله
عن الدنيا سنرتحل،، يرافق سيرنا العمل
فإما روضة تسمو،، واما القبر يشتعل
*****
في بيت حمد اخو شرينه ربيعة مهرة
ام حمد: الــوه يا مرحبا بنت عتيج
بنت عتيج: يا مرحبا هلا والله اشحالج ام حمد؟؟ اشحال حمد واخوانه؟
ام حمد: بخير يعلج الخير، اشحالج انتي؟؟؟ وشحال الاهل والعيال؟؟؟
بنت عتيج: بخير ونعمه يالغاليه، وين ما تنشافين
ام حمد: والله ياالغاليه موجودين بس تدرين لعيال ومشاغل هالدنيا ما تخلص
بنت عتيج: هيه والله،،، يالله الله يعين
ام حمد: يالغاليه بغيتج في شي
بنت عتيج: امري يالغاليه انا جم ام حمد عندي وبعدنا نحن خوات يالغاليه
ام حمد: تسلمين يا بنت عتيج،، اصيله ما شالله عليج،،،، يا بنت عتيج بغيتج تشاورين ام مبارك حرمة قوم بن مهيّر،، بغينا بنتهم مهرة لولديه حمد،، والله ودي اشوف عياله قبل لا لا تندفن روحي في التراب
بنت عتيج: يعل عمرج طويل يا ام حمد،، وفالج طيب من هالعين قبل هالعين، اليوم ان شالله برمس ام مبارك وماا يصير خاطرج الا طيب ونفرح بحمد ان شالله،،،
ام حمد: بنتعبج ويانا عاد يا بنت عتيج،، بس نحن مالنا غنا عنج،،
بنت عتيج: افا عليج يالغاليه،، نحن أهــل ونفرح مع بعض
ام حمد: مشكورة الغاليه ما تقصرين،،، بترياج عيل ان شالله
بنت عتيج: ولا يهمج ولا تحاتين يا ام حمد،،، برد لج خبر ان شالله في اقرب وقت
ام حمد: تسلمين يا بنت عتيج، عيل انا بترخص منج بقوم اشوف لعيال تامرينا بشي؟؟
بنت عتيج: سلامة راسج وسلمي على الاهل
ام حمد: سلامن يبلغ بالخير ان شالله،، وداعة الله
بنت عتيج: ربي يحفظج ان شالله
****
وف بيت خليفه عــم مهرة
بو فارس: هاا يا ام فارس متى بترمسين ام مبارك على شان سالفة ولدنا محمد ومهرة،، نريد نفرح به عاد
ام فارس: كنت ناويه ارمسها امس بس لفتنا ام سلطان وما حصلت فرصه، ان شالله برمسها اليوم بس تعال يا بو فارس ما تفاهمتوا مع مايد،، وهالولد خبله اخاف يسوي شي
بو فارس: خليت هالموضوع على فارس هو قال بيتصرف بطريقته.
ام فارس: عيل انا اقول يا بو فارس ما برمسها لين ما تتفاهمون مع مايد
بو فارس: خلاص علىرايج با ام فارس،، اليوم برمس فارس على شان مايد ان شالله،،
ام فارس: خير ان شالله يا بو فارس
****
في غــرفة مهرة الساعه 12 في الليل،،، مهرة حست انها مشتاقه لسهيل،،، وايد مشتاقه له،، غايب من فترة،،، شو صار له،، تتمنى انه بخير،،،،، وفجأة صاح التيلفون
مهرة: الــــوه
سهيل: مرحباااا مهاري
(( يوم قال مهاري حست انها تبا تصيح،، لأنها ولهانه عليه،، صح كانت فترة بسيطه اللي عرفته فيها بس كانت كافيه على شان تصير متيمه في حبه))
سهيل: مهاااري وينج؟؟؟
مهرة: موجوده انته وينك؟؟ ليش غايب؟؟؟ (( وتمت مهرة تصيح ما رامت تمسك عمرها))
سهيل: مهاري فديتج،، تصيحين؟.؟؟ مهاري ما عاش اللي ينزل دمعه منج،، مهاري شو فيج غناتي
مهرة: شو فيني؟؟ انته وينك؟؟؟ انا انا انا انا خفت عليك
سهيل نسى تعبه ونسى كل همومه،، بس كان كل تفكيره انه يحب مهرة ولا يقدر يعيش بدونها، حس انها مهتمه فيه،، كان وده يحضنها
سهيل: مهاري، فديتج خفتي عليه؟؟؟ علني ما اخلا منج انا بخير بس صارن لي ظروف
مهرة: اسمع انته ويا ويهك لا تغيب مرة ثانيه جيه فاهم (( وتمت تصيح مرة ثانيه))
سهيل: مهاري حبيبي،، انا هالكثر اهمج؟؟؟ مهاري تحبيني؟؟؟ (( كان يقول جيه وهو متلهف عليها وايد))
مهرة:.................................
سهيل: مهاري حبيبي،، حبيبي،، حبيبي،، ردي عليه،،، مهاري انا رمست هليه اني اباج وان شالله خير
مهرة: سهيل
سهيل: عيونه؟؟؟؟
مهرة: ما اقدر اعيش بدونك
سهيل: ولا انا غناتي،،، وما بخليج بروحج،، وان شالله جريب بكون وياج اذا الله راد
مهرة: يعني انته صــج تباني؟؟؟؟ صــج تحبني
سهيل: اكيد اكيد احببببببببببببببببببببببببببج احبببببببببببببببببج واموت فيج تفهمين احببببج احببببج مهاري
طارت مهاري من الفرحه وبدون قصد قالت
مهرة: حتى انا احبك
سهيل طار من الفرحه وحس انه ملك الكون في ايدينه،،، ودي يعيش هاللحظة طول عمره
سهيل: عيديها غناتي عيديها وبردي فوادي
مهرة: احبك تفهم!! احببببببك
سهيل: حتى انا احبج واموت فيج،،،،
مهرة: يا ربي يا سهيل،، انا اول مرة احس بنفس هالاحساس
سهيل: حتى انا مهاري،، ما اعرف ليش حبيتج،،، اتصدقين،،، احس اني بدونج ولا شــي
مهرة: في الايام اللي غبتها عني وايد تعذبت
سهيل: انا كنت بخبرج عن السالفه اللي صارت لي
مهرة: سلامتك،، خير ان شالله؟؟؟
سهيل: صــارت سالفه كبييييييييييييييرة كانت ممكن تخليني ما آخذج،، وما تكونين حبيبتيه
مهرة انقبض قلبها، لأنها ما تحس انها تقدر تعيش بدونه
مهرة: خييييييييير ان شالله شو صااار؟؟؟؟؟؟؟؟؟؟؟؟؟؟؟ طيحت قلبي
سهيل: يعلني فدا قلبج غناتي،،، اللحينه بخبرج كــل الســالفه
وبدا سهيل يحكي لمهرة كل شي صــار،، عن اخوه عبدالله،، يعني باختصار من الألف لين الياء
******
في الصبــاح راح سهيل وياب اخوه عبدالله من المستشفى، وهم في السيارة يلسوا يناقشون موضع الزواج
عبدالله: اللحينه يا سهيل انته تباها بنت قوم بن مهيّر
سهيل: هيه والله يا خويه ما ادري ليش تعلقت فيها
عبدالله: خــلاص زين يا خويه،، وهاي الساعه لمباركة اللي اشوفك معرس فيها
سهيل: وانته يا خويه،، كنت تباها
عبدالله: بروحك قلت كنت،، وانا بس كـــهروب كنت اباها بس اللحينه لين احس انه الله رضى عليه وعقب ان شالله بدور بنت الحلال
سهيل: الله يوفجك يا خويه،،، وبصراحه انا مستعيل هههههه
عبدالله: هههههههه شكلك يا سهيل طايح فيها هههههههههه
سهيل: ههههههههههههههههه كم انا بالشوق خصيته**ذابحني بسود لعياني**حب غيره ما تمنيته**والله اني فيه هيماني**ويل حالي يوم لاقيته**خزني بالعين وارماني**القلب والروح اهديته**مثلما هو حبه اهداني**صاحبي في العين ضميته**عن حسود وقول عدواني
عبدالله: لا بصراحه السالفه فيها إن هههههههههه
سهيل: ههههههههه لا لا ان ولا كان بس جيه من الله
عبدالله: عيني في عينك منيه والدرب هههههههههه
سهيل: غربلات ابليسك ههههههههه
عبدالله: معروفه هالحركات،، تراني انا عندي دكتوراه في هالسوالف ههههههههه
سهيل: ههههههههههههه
عبدالله: زين هي البنت زينه؟؟؟
سهيل: والله والنعم فيها هالبنت،، غريبه دخلت قلبي من اول نظره،، من خاطريه اباها يا خويه
عبدالله: ما عليه يا خويه ان جانها مكتوبه لك ومن نصيبك محد بياخذنها
سهيل: ان شالله تكون لــي ، اتصدق يا خويه اني ما اقدر اعيش بدونها
عبدالله: ان شالله خير يا خويه تفاءل بالخير تحصله، وان شالله اليوم بنرمس الوالد والوالده عن السالفه
سهيل: ان شالله خير
********
في بيت قوم مهرة،، كانت ام مبارك ترمس ام فارس
ام مبارك: زين ام فارس يالغاليه قالوا لي بغيتني في سالفه
ام فارس: هي والله يا ختيه،، انتي تعرفين مهرة كيف غاليه على قلبي والساعه لمباركه اللي ازفها فيها
ام مبارك: والله من طيب قلبج يا ام فارس،، ومهرة بعد تحبج وايد
ام فارس: وانا قلت اني ما بحصل حد احس منها لولديه محمد،، وانتي تعرفين هو ولد عمها واولى بها من الغريب،
ام مبارك: صدقتي والله يا ام فارس،
ام فارس: بس بغيتج تاخذين رايها وراي ابوها
ام مبارك: ان شالله يا الغاليه ونحن ما بنحصل حد يداري على البنت اكثر من ولد عمها والجريب اولى من الغريب،، وبيتنا وبيتكم واحــد،، وماشي فرق،،، ودام انها عندكم جنها في بيتها
ام فارس: مهرة في عيونا يا ام مبارك،،، وانتي تعرفين شو كثره انا احبها
ام مبارك: ونعم فيج يا ام فارس، اليوم ان شالله بشاورهم وبرد لج خــبــر
ام فارس: مشكورة يعلني فداج يالغاليه،،،
ام مبارك: افا عليج اقل من الواجب، وهايلا عيالنا ونفرح لفرحهم
ام فارس: هيه والله الله يجمعه على خير ان شالله
ام مبارك: ان شالله
ام فارس: يالله الغاليه وداعة الرحمن وردي السلام على بو مبارك والبنات
ام مبارك: يوصل بالخير ان شالله،، وانتي سلمي على بو فارس والعيال
ام فارس: سلامن يبلغ بالخير ان شالله وداعة الله
ام مبارك: ربي يحفظج
*****
في هالوقت كانت مهرة عايشه احلى قصة حب مع سهيل، حب طبعا لوجه الله، كانوا متعاونين في كل شي،، في امور الدين والدنيا جنهم روح في جسدين، وسهيل خبر مهرة انه رمس هله على شان السالفه وخبرها بعد انه امها تبا تزورهم عسب يرمسون في السالفه، كانت مهرة صج تحب سهيل،، وتدعي في كل صلاة انه ربها ما يفرقهم،، وكان سهيل بعد يدعي ربه في كل صلاة انهم يجتمعون في الدنيا والآخره.
*****
في يوم من الايام الصدفه اجمعت بين ام حمد وام فارس، كانوا يالسين في عــرس
ام حمد: يا مرحبا الساااع يا ام فارس.. اشحالج؟؟ ربج الا بخير؟؟ وينج يالغاليه
ام فارس: مرحب لا هان،، بخير يعلج الخير،، والله الا هنيه،، دونج وحواليج،،، اشحالج؟؟؟ وشحال حمد واخوانه؟؟؟
ام حمد: والله بخير ونعمه ربي يسلمج يالغاليه،، ما يشكون باس،، والله من زمااان ما ايتمعنا يا ام فارس،، وين الزمن لول يوم كنا متياورين،، الباب بالباب
ام فارس: هيه والله يا ام حمد،، لول ما نتفارج ،، ونتشاوف اربع وعشرين ساعه،، يالله يالزمن
ام حمد: هيه والله يالله شو بنسوي،، الا ما خبرتيني اشحاله بو فارس وفارس واخوانه؟؟ بعدكم ما خطبتوا لفارس؟؟
ام فارس: والله يالغاليه فارس خطبنا له بنت قوم رمّاس، ونتشارو معاهم على شان نحدد وقت العرس، ومحمد اللحينه مكلمين عشانه عمه سالم على شان بنته مهرة،،
ام حمد: (( وهي مصدومه)) مهرة؟؟؟
ام فارس: هيه مهرة،، البنت اولى بها ولد عمها،، ومحد بيحافظ عليها شراته،، ولا شو رايج يا ام حمد؟؟
ام حمد: (( وهي بعدها مصدومه)) هيه والله ،، (( وهي يالسه تفكر في ردة فعل حمد، لأنها كان وايد متلهف عليها،، ويباها،، بس ما حبت تقول لأم فارس لأنها تعرف من زمان لول انه البنت دوم حق بنت عمها،، فقالت في خاطرها، ان شالله بيحصل غيرها...
ام فارس: هااا يا ام حمد بلاج صخيتي يالغاليه؟؟؟
ام حمد: لا الغاليه،، الله يفرحكم ان شاء الله،، ويوفجهم،،، وجان تبون شي يا ام فارس تراني حاضرين،، ونحن خوات
ام فارس: اصيلة يالغاليه،، يعل عمرج طويل وربي لا هانج،،، والله يفرحج بحمد واخوانه،،،، تسلمين يا ام حمد...
********
اول ما وصلت ام حمد البيت كان لونها متغير،، واول ما شافها حمد،، راح وسلم عليها وقالها
حمد: هلالالالا ام المعرس؟؟ اشحالج؟؟
ام حمد: (( كانت مضايجه)) حمدلله يا ولديه،، تعشيت؟؟؟
حمد: هيه اميه،، بس خير ان شالله شكلج متغير،، شي يعورج اميه؟؟؟؟
ام حمد: لا يا ولديه بس شوية تعبانه ما عليك منيه،، بسير ارتاح في غرفتيه وباجر يصير خير ان شاء الله
حمد: سلامتج اميه ما تشوفيج شر،، يعله فيه ولا فيج،،، اميه ان جانج بغيتني اسريبج المستشفى عيوني توديج
ام حمد: يعلني ما اخلا منك يالغالي،، يالله يا ولدي يعلني ما اذوق حزنك في يوم (( وطاحت دمعتها))
حمد انصدم من امه وحس انه السالفه تخصه،، وراح ولوى على امه،، وحبها على راسها
حمد: يا اميه قولي شو فيج ولا تعورين قلبي يا اميه،، حد ضايجج يا اميه؟؟؟ والله اللي يرشج بماي ارشه بدم،، كله ولا انتي يا اميه،،،،
ام حمد: يعلني فداك يالغالي،،،، (( ولوت عليه مرة ثانيه،، وقررت انها تخبره بالسالفه،، وما تظل ساكتة عسب ما يتعلق بالبنت زيادة))
ام حمد: حمد يا ولديه بغيت اقولك شي
حمد: (( انقبض قلبه)) آمريني يا اميه،، لو بغيت العمر يفداج
ام حمد: ما يامر عليك عدو ضنايه،، يا ولديه بغيت ارمسك في موضوع بنت قوم بن مهيّر
حمد تم يطالع امه،، ويترياها تقول شو اللي صاير
ام حمد: يا ولديه ادريبه الموضوع مب هيّن عليك،، بس يالغالي،، كل شي نصيب والواحد ما بياخذ اكثر من نصيبه،،،
حمد: هي ما بغتني؟؟؟؟ صـــح؟؟؟
ام حمد: لا تستعيل يا ولديه وخلني اكمل رمستيه،، اليوم حصلت ام فارس،، وهي تصير حرمة عمها،، بالصدفه خبرتني انها كلمت ام مهرة على شان يخطبون مهرة حق ولد عمها محمد،،، وشكلهم ما بيردونهم لأنك تعرف يا ولديه دومه الجريب اولى من الغريب،،،
حمد: .............................
ام حمد: يا ولديه،، ان شالله بتحصل وحد زينه،،، ويمكن الله يبالك وحده احسن عنها،،، هي صح بنيه والنعم فيها وفي هلها،، بس انته ما تدري بالمكتوب،،، حمد ياامايه لا تم ساكت رد عليّه حمد حمد حمد
حمد شل بعمره وظهر من البيت ولا جنه يسمع رمسة امه،، و وراح صوب العراقيب،،، ونزل ويلس على الرمل،،، وتم يفكر في مهرة،، وكيف اول مرة شافها،، وكيف بنى عليها امال كبيرة،،، وحس انه تحطم على الاخير،، ونزلت دمعة من عيونه،،،
روح وراحت روحي** تتبع موطا ثره
تسأل عنه وتنوحي** محد ياب اخبره
وين الخل المزوحي** اجي يوم اذكره
راعي العشق مفضوحي** والمخفي يظهره
ونسى نفسه،،، الين سمع صـــوت اذان الفجر،، وحس كأنه ربه يناديه،،، وراح وركب سيارته وراح صوب المسيد،، وتوضا وصلى ودعا ربه،، وحس عقبها براحه،،، وآمن بالقضاء والقدر،،، وراح صوب البيت،، وأول ما دخل شاف امه،، راقده على الكرسي في الصاله،، وعوره قلبه عليها،، لأنها هي مالها ذنب،، وراح وحبها على راسها،، وانتبهت له،،، وابتسم لها،، ولوت عليه،، ولوى عليها،،، وقالها،، يا اميه،،، اسمحيلي لأني قفيت بج يوم زقرتيني،،، وهي قالت له لا يا ولدي مسموح،،، بس خفت عليك يالغالي،،،، ولوت عليه مرة ثانية،،،،، وفي الصباح اتصلت ببنت عتيج،،، على شان تخبرها انها ما ترمس قوم بن مهيّر،، وخبرتها السالفه..
*******
في بيت قوم مهرة،،، كان بو مبارك،،، وام مبارك،، يالسين مع بعض،،،،
ام مبارك: يا بو مبارك،، رمستنيه ام فارس،،، وبغنتي اشاورك في موضوع
بو مبارك: خير ان شاء الله؟؟؟ يا ام مبارك
ام مبارك: والله يا بو مبارك،،، ام فارس تبا محمد لمهرة،،، وبصراحه محد بيحافظ عليها اكثر عن ولد عمها،، وبيتنا وبيتهم واحد،،،
بو مبارك: والله هاي الساعه لمباركة،،،، بس لازم نعرف راي البنت قبل،،،
(( في هاللحظة كانت مهرة نازلة ،، وبالصدفه سمعت الموضوع،،، واتصلبت مكانها،، من الصدمه))
ام مبارك: والله مهرة ما بتحصل حد احسن من عمها،،، وولد عمها وحرمة عمها
بو مبارك: زين انا ما قلت شي بس ناخذ رايها لول،، انتي تعرفين يا ام مبارك كله ولا مهرة،، هاي مهرة تسوى ناظر عيوني،،،،
(( مهرة كانت بمووووووت،،،، ونزلت دموعها لا اراديا،، وخطفت تربع صوب غرفتها،، وتمت تصيح وتصيح،، لأنها ما تتخيل حياتها بدون سهيل،،، وهي تحبه وهو يحبها،، وبعد ما تريد تكسر بخاطر هلها اللي مربينها ومب مقصرين عليها في شي،، وفي هالوقت اتصل سهيل،، وشافت رقمه،، بس ما قدرت ترد عليه،، لأنها كانت تصيح،،، وتم هو مصر وجنه يحس انه فيها شي،،،، لين آخر شي شلت السماعه))
سهيل: مهــــــاري!!!! حرام عليج كنت بموووت لو ما سمعت صوتج
مهرة:......................
سهيل: مهاري؟؟؟ مهااااري؟؟؟ بــلاج؟؟؟؟ شو مضايجنج؟؟؟؟ شي يعورج حبيبي؟؟؟
مهرة كانت تصيح بصوت خفيف ويوم قالها كلمت حبيبي،، تمت تصيح بصووت عالي،،، ومب قادرة تمسك عمرها،، في هالوقت حس سهيل انه وده يضمها،،، ويمسح دموعها،،، لأنها هي الوحيده اللي ما تهون عليه،،، والهم يجيسه ولا يجيسها،،،،
سهيل: مهااااري؟؟ يعلني فدا دموووعج؟؟؟ ما عاش اللي ينزلهن!! مهااااري خبريني عنه
،، والله بذبحه يمين بالله ما يتم عايش وهو منزل دمعه من دموعج يالغاليه
مهرة: سهيل!!!!
سهيل: عيووونه وقلبه؟؟؟؟؟ مهاري احلفج باللي خلقج تخبرينه شو صايبنج؟؟؟
مهرة: سهيل،،،، انا انا انا (( وردت تصيح مرة ثانية)))
سهيل: انتي شو؟؟؟ مهاري ردي عليه طاح قلبي،،،، مهاري فديتج،، ردي عليه...
مهرة: سهيل... خلاص ما بتسمع صوتي مرة ثانية
سهيل حس جنه طايح من راس يبل،،،،،،، لأنه مب متخيل يعيش دونها
سهيل: ليش حبيبي؟؟؟ صار شي؟؟؟؟؟
مهرة: (( وهي تصيح)) سهيل حبيبي،،، صدقني انا احبك وبحبك لأخر نبض في قلبي،، سهيل انا يوم حبيتك،، كنت انته اول انسان احبه لهدرجة،،، ومستحيل اتخيل عمري بدووونك،، صدقني احبك واحبك واحبك،،، سهيل،،، في حياتي ما حبيت ولا بحب حــد مثلك،،،
سهيل: حبيبي مهاري،،، والله اني احبج،، ليوم الدين،،
حبكم في حشايه،، لين يوم الحساب
كاتمنه في قلبي ما طريته لغريب
كلٍ وله نهاية وينتهي للتراب
الا حبي لحبيبي باقيا ما يغيب
وتمت مهرة تصيح،،، وما رام سهيل يمسك عمره،،، حبه لها كان اقوى من كل شي،،،،
سهيل: مهاري يعلني فدا هالعيون،، خبريني غناتي؟؟ شو مكدر خاطر احلى مخلوقة في الكون؟؟؟
مهرة: حبيبي سهيل،،، بخبرك السالفه لأني ما اقد اكتمها في قلبي،،،، (( وخبرته باللي صار)) تم سهيل متفاجأ وتمنى انه الارض تنشق وتبلعه قبل لا يسمع هالخبر،،، وبدون قصد،، صرخ سهيل لالالالالالالالالالا
سهيل: لا يا مهاري ان شالله الله ويانا لا تقولين جيه انا من باجر بييب هليه عندكم
مهرة: خلاص يا سهيل،،، اقولك امايه رمست بويه،،، وانا ما اقدر اعصي لهم طلب،، ولا اقدر اكون سبب المشاكل في العايله
سهيل: لا مهاري،،، لا تيأسين من رحمة الله،،،، انا وياج ان شالله،،، شجعيني،،،، وصدقيني يا مهاري،، الله ما بيضيع دعائنا،، ارجوج مهاري لا تخلين عني ارجووووج
مهرة: (( وهــي مب قادرة تكتم العبرة)) سهيل،،، لازم ما نعترض على قدرنا،،،، سهيل احبك والله احبك بس شو بسوي
سهيل: بسوي المستحيل على شانج ،، مهاري دخيلج،، لا تيأسين،، رحمة الله فوق كل شي،، وان شالله اللي بيكتب لنا انا وانتي
مهرة: احبك يا سهيل والله احبك،، وما اتمنى غيرك،،،،،،،،،،،،،،،،، (( وردت تصيح مرة ثانية))
سهيل: مهاري!! قومي يالغاليه وصلي ركعتين وادعي الله يفرجها علينا يالله مهاري،، بس لي طلب صغير عندج
مهرة: آمر
سهيل: لا تقطعين الاتصالات خليني اطمن عليج لو كلمة،، ما اقدر اعيش بدووونج والله،، وتأكدي اني بسوووي المستحيل على شانج
مهرة: بحاول يا سهيل،، والله يستر مع هليه،،،،،،
سهيل: ان شالله خير يالغاليه،، يالله قومي وانا بقوم ووكلي امرج لله،،، وان شالله الله بيسهل الامور (( سهيل كان يرمس جيه وقلبه منقسم من شدة الألم لأنه ما يتحمل انه حد ياخذ اللي حبها ومات عليها من ايدينه وهو ما يسوي شي))
مهرة: ان شالله،،،،،،،،
سهيل: وداعة الله الغالية
مهرة: مع السلامة.
سهيل: مهاري
مهرة: سهيل ((( قالوها في نفس اللحظة وضحكوا مع بعض،،، وهالشي خفف عليهم الصدمه))
سهيل: احبج،،، والله
مهرة: وانا بعد احبك،،،،،
سهيل: يعلني ما اخلا منج،، ولا من طاريج،، وداعة الله الغلا كله
مهرة: ولا منك يالغالي،، وداعة الله
**********
في هاللحظة تم سهيل يفكر وحس انه بيتخبل من كثر التفكير،، لأن السالفه مب هينه،، وخصوصا انه اللي يباها ولد عمها،، والمعروف عند الجميع انه ولد العم دوم اولى ببنت عمه،،،، وبدا اليأس يتسلل لنفسه،، ولكن لا مستحيل اني ايأس انا وعدت مهاري اني احارب كل الدنيا عشانها،،، وبعدين تذكر قول الله تعالى:" واذا سألك عبادي عني فإني قريب اجيب دعوة الداعِ اذا دعان فليستجيبوا لي وليؤمنوا بي لعلهم يرشدون" صدق الله العظيم،، وقام وصلى ركعتين ودعا ربه،،، وارتاح،، بس ما قدر ينام،،، تم يتريا لين يطلع الصباح،، على شان يكلم اهله قبل لا تروح مهاري من ايدينه،، وفي هاللحظات قال لازم ارمس هدى ختيه،، على شان تساعدني،،وقام بيروح لها الغرفة،، دق الباب عليها،،،
هدى: منوه على الباب؟؟
سهيل: ا
اتريو الجزء الثاني

 

[فيمتو]

القصه روعه

[الفيلسوف]

مشكور أخوي وحيد على القصة

يعطيك العافية وماتقصر

عساك عالقوة

\

\

\

\

[وحيد القلب]

السلام عليكم ورحمة الله وبركاته

تسلمون ويعطيكم الف الف عافية