ليلة عريس ...ياسر التويجري

[عبدالله العنزي]

أستريحي كنك المفروض في ليلـة عريـس
وأستغلّّي مـدة الديـان فـي وقـت الفلَـس

لاتعيديـن الخطايـا لاتحمـيّـن الوطـيـس
وأنتِ أدرى في طلوعك قبل دقـات الجـرس

ماابيك بدور ليلى لو عشقتـك عشـق قيـس
بس خلينـي أشوفـك ليـن ماآخـذ نفـس

أفرجي عنـي بعطفـك لا تخلينـي حبيـس
وأحبسيني وسط قلبك وأسطري عندي حرس

مابذلت أغلى اجتهادي .. كل جهدي بالنفيس
وماغرست الشوق فيني أنتِ اول من غـرس

ماعشقتك من غرور وعارفٍ درب الحويـس
الرجل لا رز خشمه غمض العيـن وعطـس

ماعشقتك عشق فارس يهتوي مهرة عويـس
عاشقك خيلٍ اصيل يموت في ذيـك الفـرس

خلي العذال تـدرع مـن قهرهـا بالحميـس
وأتركيهم خلف ظهـرك وأستهلـي بالدبـس

وإن حسبتي لي حساب وعدت للمنصب رئيس
بأخبرك بأني عشقتك بس مـن زود الونـس

قاهرتني في جراءة عين وطلـوع الخميـس
لين سويت التحدي بين عشقك .. والطفـس

وأحمد الله من كسبتـك ماكسبـت إلا لميـس
بنت لاسلطن دلعها خلـت الشاعـر خـرَس

لويعرف إبليس بأنه لاطـرى نلعـن إبليـس
كان لاشفتـه بدربـي دق لطمـه وإنتكـس

وأنتِ أدرى في علومي والغلا لك يا.. لميـس
وفوق هـذا لا لمحتـك دق قلبـك وإنكبـس

علمونا نخاف فطره من نياشيـن البوليـس
بس وشلون نتعلم ناكل التمـر بعبـس ..!!؟


تحياتي وخالص اشواقي
عبـدالله العنــزي

[الجوهري]

صح السانك
ولا هنت ياقلبي على القصيده الطيبه

والله لا يحرمنه منك ومن قصايدك



وبالتوفيق....
اخوك الجوهري

[عبدالله العنزي]

صح بدنك يا الغلا الجوهري

ولا هنت على مرورك الطيب

[بن وايل]

صح لسانك ولاهنت

ويعطيك الف عافيه اخي عبدالله على القصيده

والى الامام للتميز اكثر

[حطموك ياقلبي]

صح لسانك ولا هنت على القصيده الحلوه


وبارك الله فيك اخوي العزيز


وبتوفيق

اخوكم/ {وليف الروح}

[عبدالله العنزي]

صحبدنكم ولا هنتوووو على المرور الطيب وعساكم ع القووه

[الاسير الغريب]

صح لسانك على القصيده الرائعه

[عبدالله العنزي]

صح بدنك ولا هنت على المرور الطيب

[سمو الشوق]

يسلمو ا على الابدااع المتواصل ولا تقطعونا من جديدكم