وش عاد لوقلتي تراااني فديتك؟؟؟

[عبدالله العنزي]

لاتحسبني يوم انا اطريك مغليك
يمكن مع سير السوالف طريتك
العام تنساني وانا اليوم ناسيك
كلك على بعضك تراني نسيتك
ماني على رجواك يازين ناصيك
اموت في عزي وانا مارجيتك
كل المشاعر فيضها ماتدانيك
دامك تشكل في غرورك وطيتك
كنت اتحااشى غلطتي ماتباريك
حتى وانا مجروح جيت وعطيتك
اعطيتك افراح العمر والتباريك
وان داربك همك رحلت ولقيتك
واليا طلبت احلى القصايد تسليك
جبت القصايد كلها وارتضيتك
اكتب علشان المعاني معانيك
واقراء حروفي واعرف اني قريتك
واداعب احلامك واناجي لياليك
وان مرني طيفك مشيت وسريتك
واليوم بدلت المشاعر تماتيك
واقصى ضلوعي عن هواها قصيتك
يحرم علي اليوم بسمك اناديك
وش عاد لوقلتي تراني فديتك

[الجوهري]

صح السانك
ولا هنت ياقلبي على القصيده الطيبه

والله لا يحرمنه منك ومن قصايدك



وبالتوفيق....
اخوك الجوهري

[عبدالله العنزي]

صح بدنك يا الغلا الجوهري

ولا هنت على المرور الطيب

وعساك ع القوه يا خلف ابوي انت

وبتوفيق ان شاء الله اخوك عبدالله العنـزي

[بن وايل]

صح لسانك ولاهنت

ومو غريبه على شاعر مثلك اخي

ويعطيك الف عافيه

دام قلمك ونبض قلبك

والى الامام للتميز اكثر

وبالتوفيق

[عبدالله العنزي]

صح بدنك يا الغلا بن وايل ولا هنت على التواصل الطيب

[الاسير الغريب]

شكرا ياعبدالله وتعودنا منك الجديد

[سمو الشوق]

يسلمو ا على الابدااع المتواصل ولا تقطعونا من جديدكم