مشعل العتيبي
10-20-2006, 11:10 PM
انا اتأسف من اخواني بمنتدى خواطر بسبب الخلل الذي بدر مني في قصيدة يا اغلى مواليفي اقرى في عيونك كلام***والكلمه اللي تـدور بخاطـرك قولهـا
وهذي القصيده كامل وبدون اخطاء ان شالله واتعذر منك جميعا بسبب الخطا الغير مقصود
يا اغلى مواليفي اقرى في عيونك كلام***والكلمه اللي تـدور بخاطـرك قولهـا
انا عليّ ما تعدّى حـد سلـم الغـرام***وانته عليك الخزايـن تفتـح اقفولهـا
ابديت لك عن عظيم الحـب والاحتـرام***لعلّ نفسي تحصّـل منـك محصولهـا
البارحه ما اهتنت عيني بحلـو المنـام***ليله وعدّت على طول السنـه طولهـا
ما كنّي الا غريقٍ في بحـور الظـلام***يا كبر جور الليـال ومثقـل احمولهـا
تأثيرها بان في حالـي علـي الحـرام***الله يستر مـن الليلـه ومـن هولهـا
وان قيل وش مشغلك قلت الغلا والهيام***والعين والخـد والشفـه ومعسولهـا
والصبح والليل والسيف وهلال الصيام***والضحكه اللي لمع مرجانهـا ولولهـا
والنظره اللي حرسها يرسلون السـلام***تطرد همومٍ تصافق فالحشـى جولهـا
والقامه اللي خذتني في ربوع الحـلام***سجلّنـي بدفتـر العشّـاق مذهولهـا
والبسمه اللي سوات البرق وسط الغمام***اشوف فيها البشايـر عنّـت خيولهـا
والكلمه اللي تنّسيني شـروط النظـام***اغيب مـن كبـر معناهـا ومفعولهـا
لو ان شعري يجيبك بالوصايف تمـام***تلقـى كثيـر الاوادم تفقـد اعقولهـا
والغايه اللي عروقي من سببها حيـام***عسى يدين الحظـوظ اتمـد وتطولهـا
اجهدت من شانها والمجتهد مـا يـلام***اليا قصر دون شف النفـس وميولهـا
يصبر لو ان الصبر خلاّه جلد وعظـام***ياليـت تصفـي لـه الايـام وينولهـا
لولا الامل والصبر والجهد والاهتمـام***ما كان شفنا السعـاده بـان مدلولهـا
عذبات الاحلام للعاشق شراب وطعـام***يعيشهـا والحقيقـه ماهـو بحولهـا
والكل مخلوق في دنياه غايـة مـرام***يشعب ركاب الغرام العـذب لوصولهـا
يشقى ويلقى ليا حظه مع الوقت قـام***يشوف الافراح فوقـه هلّـت اثعولهـا
الحب فطره وتزرع في قلـوب الانـام***عانـوه عقّـال خلـق الله وخبولهـا
احدن بنى حبه بشيمه وقـدر ومقـام***واحدن معاه الحقيقـه غايـبٍ زولهـا
محبتي لك لها بيـن الضلـوع احتـدام***زودٍ علـى دورة الايــام وفعولـهـا
تقول ديـنٍ يجـدّد كـل يـومٍ وعـام***اقضيه كان الجزيـره جـف بترولهـا
بعدك يعنّيني وقربـك يزيـل السقـام***معاك اعيش الحياه اللي على اصولهـا
وان كان صدّيت عني ياظبـيّ العـدام***ما تستريح المشاكـل غيـر بحلولهـا
قولة خلاص انتهينا وابتديـت الختـام***والله لا ابطي عظم واموت ما اقولهـا
وسلامتكم
وهذي القصيده كامل وبدون اخطاء ان شالله واتعذر منك جميعا بسبب الخطا الغير مقصود
يا اغلى مواليفي اقرى في عيونك كلام***والكلمه اللي تـدور بخاطـرك قولهـا
انا عليّ ما تعدّى حـد سلـم الغـرام***وانته عليك الخزايـن تفتـح اقفولهـا
ابديت لك عن عظيم الحـب والاحتـرام***لعلّ نفسي تحصّـل منـك محصولهـا
البارحه ما اهتنت عيني بحلـو المنـام***ليله وعدّت على طول السنـه طولهـا
ما كنّي الا غريقٍ في بحـور الظـلام***يا كبر جور الليـال ومثقـل احمولهـا
تأثيرها بان في حالـي علـي الحـرام***الله يستر مـن الليلـه ومـن هولهـا
وان قيل وش مشغلك قلت الغلا والهيام***والعين والخـد والشفـه ومعسولهـا
والصبح والليل والسيف وهلال الصيام***والضحكه اللي لمع مرجانهـا ولولهـا
والنظره اللي حرسها يرسلون السـلام***تطرد همومٍ تصافق فالحشـى جولهـا
والقامه اللي خذتني في ربوع الحـلام***سجلّنـي بدفتـر العشّـاق مذهولهـا
والبسمه اللي سوات البرق وسط الغمام***اشوف فيها البشايـر عنّـت خيولهـا
والكلمه اللي تنّسيني شـروط النظـام***اغيب مـن كبـر معناهـا ومفعولهـا
لو ان شعري يجيبك بالوصايف تمـام***تلقـى كثيـر الاوادم تفقـد اعقولهـا
والغايه اللي عروقي من سببها حيـام***عسى يدين الحظـوظ اتمـد وتطولهـا
اجهدت من شانها والمجتهد مـا يـلام***اليا قصر دون شف النفـس وميولهـا
يصبر لو ان الصبر خلاّه جلد وعظـام***ياليـت تصفـي لـه الايـام وينولهـا
لولا الامل والصبر والجهد والاهتمـام***ما كان شفنا السعـاده بـان مدلولهـا
عذبات الاحلام للعاشق شراب وطعـام***يعيشهـا والحقيقـه ماهـو بحولهـا
والكل مخلوق في دنياه غايـة مـرام***يشعب ركاب الغرام العـذب لوصولهـا
يشقى ويلقى ليا حظه مع الوقت قـام***يشوف الافراح فوقـه هلّـت اثعولهـا
الحب فطره وتزرع في قلـوب الانـام***عانـوه عقّـال خلـق الله وخبولهـا
احدن بنى حبه بشيمه وقـدر ومقـام***واحدن معاه الحقيقـه غايـبٍ زولهـا
محبتي لك لها بيـن الضلـوع احتـدام***زودٍ علـى دورة الايــام وفعولـهـا
تقول ديـنٍ يجـدّد كـل يـومٍ وعـام***اقضيه كان الجزيـره جـف بترولهـا
بعدك يعنّيني وقربـك يزيـل السقـام***معاك اعيش الحياه اللي على اصولهـا
وان كان صدّيت عني ياظبـيّ العـدام***ما تستريح المشاكـل غيـر بحلولهـا
قولة خلاص انتهينا وابتديـت الختـام***والله لا ابطي عظم واموت ما اقولهـا
وسلامتكم