تستاهل الكيف الحمر يـأ ()×××(:::: بـًٍ وأيلٍ ـنٍ :::::>

[عبدالله العنزي]

السلام عليكم ورحمة الله وبركاته


قصه عن القهوه..وهي سالفه مشهوره ..صارت في ديوان ابن رشيـد..

وهي سالفه علوش بن ظويهر..من قبيله عنزه..

هذا الله يسلمكم علوش كان في مضافه بن رشيد .

.وفي حدى الايام..وكان الديوان مليان..من الرجاجيل والضيوف..

قال بن رشيد صاحب الديوان بصوت عالي..

القهوه..

قاموا الصبيان يدورون على الضيوف..ويقهونهم..

وشوي وصل الدور لابن ظويهر (( علوش )).. يوم شرب من الفنجال

ما اعجبته القهوه قام كب القهوه وراه

في اللحظه هذي شافه بن رشيـد وماعجبه فعل بن ظويهر..وقال له :

وش نوحك سفيـت الفنجال ياعلوش..===>>> يعني وراك كبيت الفنجال..:

قال علوش ..ابد طال عمرك مالي نظر في القهوه اليوم ..طبعا هالكلام ما اقنع

الشيـخ.. قام قاله : ابداً انت لك يومين عندنا..وتشرب من قهوتنا وش نوحك اليوم..

والمهم ضغط عليه بالكلام..

الين ماقاله علوش..ابد طال عمرك بس قهوتك صايده اليوم

..قال بن رشيد..وش يعني صايده..و يلتفت على اللي جنبه يسألهم

وش رايكم بالقهوه ..وهم يقولون ابد طال عمرك ماذقنا اطيب من قهوتك

المهم..سأله الشيخ بن رشيد : وش هي صايده قهوتي يا علوش ؟؟؟.

.قال علوش : ابو عوف طال عمرك ..

(( ابو عوف هذا اكبر من النمله ..ويسمونه القعس ))

طبعا الامير ما عطاه بال ولا صدقه ..

ويوم علوش شاف السالفه كذا قام وقال للأمير :

رقبتي لك رهينه طال عمرك اذا ماكانت القهوه صايده ابو عوف ..

و يروحون الصبيان يكبون الخمره ==>>الدله الكبيره اللي مسوين فيها القهوه..

و يحصلون فيها ابو عوف ..و يستغرب بن رشيد قال وشلون عرفت ..

قال علوش..ابد طال عمرك القهوه صار فيها طعم حموضه من ابو عوف..

راح ابن رشيد و سأل الصبيان اللي عنده

كم بقى له بن ظويهر في المضافه عندنا..قالوله يوم والا يومين.

.قال لهم لا تخلونه يمشي..ابيه ..

المهم و يروح الامير ويسأل اللي عنده ويقولهم :

وش اللي لو خلطناه في القهوه مايبين ؟؟؟

قالوله ورق العرفج..

و أمرهم انهم يحطونه في القهوه اللي يتقهوى منها علوش

ويوم تقهوى ابن علوش

سأله بن رشيد : ها ياعلوش ..


تتطعم بقهوتنا شيء ..

و يقول ايه طال عمرك القهوه صايده ورق عرفج

ويروح بن رشيد ويسأل ربعه نبي شئ ما يعرفه ..

المهم و يقولهم يحمسون فنجال محروق وفنجال ني..

ويخلطونهم ويسوون القهوه منها ..

ويسألونه ,,, ويقول لهم علوش : بها طعم نياه وطعم حراق


المهم و يفكرون بشئ مايكشفه..

و يحطون الراك..(( قشر المسواك ))..

و يسأله بن رشيد ها يا علوش تطعم بقهوتنا شئ ؟؟؟

..و يقوله ايه طال عمرك..بها طعم مسواك

قاله ابن رشيـد تدري ياعلوش..

كل ماشفت الهلال مثل الباكوره في القبله وجهك واشوف..====>>>يعني تعال عندي.. وترى كل ماينوب قهوتك ومعاميلك علينا ..

وكان من التواجديـن محمد الذويبي من حرب فقال هالقصيده...

.*.*.*.*.*.*.

تستاهل الكيف الحمر يابن وايل
انت الذي تستاهل الكيـف كلـه

اللي نقدته وسط ديـوان حايـل
لولاك ياعلوش محدن فطن لـه

بدلال من يقعد صغا كل عايـل
الضيغمي ريف الايدين المقلـه

الضيغمي مردي المهار الاصايل
يامنقطع في ساقته مـن سجلـه

يابن ظويهر مابها قـول قايـل
تستاهل الفنجال لا جـا محلـه

ياناقـد الفاقـد بحكـم الدلايـل
ياريف هجنٍ والمزاهـب مقلـه

ربعك بني وايل مـذاد القبايـل
اهل الجموع الراسيه والمظلـه

زبن الدخيل اللي تواطاه طايـل
الجمع دونه والرمـك منكهلـه


.*.*.*.*.*.*.

[الجوهري]

صح لسان وصح لسان الشيخ بن رشيد

ولا هنت يا الغلا دعاني الشوووق وعساك بلف عافيه

وننتظر كل ماهو جديد منك وبتوفيق يا الغلا دعاني

[Professor Radwan]

nice one thanks for sharing

[سمو الشوق]

تسلم وصح لسانك
قصيده ولا اروع , ولا تحرمنا من جديدك اخوي الغالي

[جمال الشمري]

يا رب منك بطلب دعائي و سؤالي
لأنك أنت الحق والآمـر والقاضي
رائع رائع رائع
وهل غير الله اهل ليسأل ابدعت اخي دعاني الشووق بل ابدعت واقنعت
اتحفنا بنثرك الحروف علي اوراق منتدانا اخوك / جمال الشمري

[عبدالله العنزي]

صح بدنكم ولا هنتو على التواصل الطيب وعساكم ع القوه

[بن وايل]

صح لسانك ولاهنت اخي

ومو غريبه على شاعر مثلك

يعطيك الف عافيه

والى الامام للتميز اكثر

بالتوفيق

[عبدالله العنزي]

صح بدنك ولا هنت يا قلبي على التواصل منك وعساك بلف عافيه

[سمو الشوق]

يسلمو ا على الابدااع المتواصل ولا تقطعونا من جديدكم

[دهن العود]

سلمت يمينك ولاهنت على هذه القصيدة الرائعه

تحياتي ،،

[عبدالله العنزي]

بارك الله فيك اختي العزيزه دهن العود ولا هنتي على مرورك الطي

وبارك الله فيك ..

[( ملكة القمري )]

فعلا فريد في قصايدك وكلماتك واحساسك المرهف
والله انك ابدعت وابدعت
صح الله لسانك مدد بلا عدد يا الغالي
ومهما قلت فيك ما رح اوفيك جزء بسيط من حقك

ودمت بود

[عبدالله العنزي]

صح بدنك يا الغلا ملكه القمري ولا هنتي على تواصلك الطيب

واشكرك على مرورك وكلامك الى على قولت اخوانه المصرين ( الشربات )

على العموم يسلم راسك ولا هنت واشكرك مرا اخره والله لا يحرمنه منك ومن طلتك


وصح بدنك اختي دهن العووود