"خسرتيني"

[هاوي نغم]

انا ماشفت نفسي يوم لاني منخلق من طين
ولو اسمي وصل عالي بظل اللي عرفتيني



ولكن للاسف هانت ليالينا بغمضة عين
وقبل لا الفظ انفاسي على نفسي توصيني





دخيلك قلبي الوافي تخلينه ولا تطرين
وراس الي تحبينه تصدي عن مدى عيني




مدام انك تحبيني وبنفس الوقت ماتوفين
ومدام انك وفيتي له وبنفس الوقت خنتيني




وش الي بس تحسينه اذا انتي كنتي تحسين
تحبيني ..وتحبينه ... وتحبينه وتحبيني




حظنتي قلبي ونمتي وعلى صوتي انا تصحين
والا منك تمللتي تحضنينه وتنسيني




انا ما ابيك لو انك على الفرقا دهر تبكين
صعب ارى بنزواتك ولو انك بغيتيني




ثلاث سنين او اربع وكاد انها كثير سنين
بعد هذا العمر كله على ايامي صدمتيني





بعد لاتنطقي بكلمه رجيتك اسكتي تكفين
اخافك ان تكلمتي خطا بـ اسمه تسميني




واذا مره ذكرتيني مع الايام أكيد بتنسين
وببقى لك مثل ذكرى جميله لا ذكرتيني




كثير اللي يتمنونك واكيد انك تبين تلقين
وانسي يوم ما انتي تمنيتي ولقيتيني




انا وش جابني لدربك انا وين وغرامك وين
انا اكبر من عيوبك وعيب انك عرفتيني




وانسي انك ذبحتيني وامانه ادفني السكين
وعلى قبري بدال اسمي ابي كلمة "خسرتيني"
__________________

[AL_MoHaNDS]

صح لسانك اخوي هاوي نغم

سلمت يمناك ولا هنت

[عبدالله العنزي]

السلام عليكم ورحمه الله وبركاته

صح لسانك ولا هنت يا الغلا هاوي

ولا ننحرم منك ومن جديدك

ودمت بود اخوك عبدالله العنزي

[اعقل مجنونه]

صح لسااااااانك

وربي رووووووعه

خلتني اصيح

تسلم ايدينك

عساااااااااااك ع القووووووه

[أحلى دلع]

يعطيج العااافيه هاوي
انا مو بصييييح انا دموووعي انزلت
وننتظر جديدك ياغالي

[هاوي نغم]

الله يسلمكم ويسلمو على المرور