~*¤®§(*§ قصيــــــده بالقــهــــــوه §*)§®¤*~ˆ°

[عبدالله العنزي]

السلام عليكم ورحمة الله وبركاته، وبعد:

قصيدة عن القهوة العربية، بعنوان (صبه لمن قاد السرايا) للشاعرالشيخ : هايس بن مجلاد العنزي-- الملقب بأبو ضلعين--

قم سو ما يجمد على الصين يا ذياب *** بدلال وصف للبطاط المحاديب

ونسفها لامن العرق فوقها ذاب *** واستدن ما يجذب عليك الشراريب

نجر يصيح وللمسايير جذاب *** طقّه على طول الدهر للمواجيب

اليا ذلق فنجالها كنه اخضاب *** ورسى صبغ بكفوف بيضٍ رعابيب

صبه لمن قاد السرايا للأجناب *** في مفرسه يشبع به النسر والذيب

والثاني اللي اليا لفو على اركاب *** بطراف بيته تقل مجزر قصاصيب

والثالث اللي لا غشا الزمل ضبضاب *** يرخص بعمره دون زمل الرعابيب

وباقي الملا يكفيهم التول لو شاب *** رصاصة المقعد حمير المشاعيب

اللي نهار الكون يفزع بمصلاب *** اكبار الأنفس ساهجين المواجيب

وسلامتكم

[مشاري بن جدلان]

الله يعطيك العافية قصيدة جزلة من شاعر جزل

صح لسانك يالبناخي شكلك راعي قهوة وفنجال ابسير عليك

ياسلام عليك ياشاعرنا

[حطموك ياقلبي]

ههههههههههه

صح لسانك يا الغلا عبدالله العنزي

[بن وايل]

صح لسانك ولاهنت

مو غريب على شاعر مثلك

يعطيك العافيه على هالقصيده

وابدعت بما كتبت لنا من كلمات ومعاني

والى الامام

[عبدالله العنزي]

صح بدنكم ولا هنتو على المرور الطيب

[الاسير الغريب]

صح لسانك ولاهنت اخوي عبدالله

[عبدالله العنزي]

صح بدنك ولا هنت على المرور يا الغلا الاسير الغريب

[دهن العود]

صح لسانك وعلا شااانك يالقرم

دمت بود ،،

[عبدالله العنزي]

صح بدنك ولا هنت يا الغلا دهن العود