ترى الاوادم حاسبآ ومحسوبي

[دهن العود]

السلام عليكم ورحمة الله وبركاته

هذه قصيده لها مناسبه خاصه فيني ونظمت على اثرها هذه الابيات

اتمنى ان تنال إعجابكم


يوم الثلوث العصر زادت لهوبـي $$ وقلبي قعد يظهر نضيحه من اقصاه

وامسيت مثل اللي تحمـل ذنوبـي $$ وجفني على شوف النشاما نثر ماه

قدمت صبري مير شبـت شبوبـي $$ المس خلا شعيل مايقطـع ارغـاه

افرح ليا هب الهوا مـن جنوبـي $$ وازعل ليامنـه تكـوس بمـذراه

يابو سعود اثرك فقيـدة جيوبـي $$ والي فقد غالي فلا ضـن ينسـاه

ترى الاوادم حاسبـاً ومحسوبـي $$ وكل(ن) على شكله ولونه وحلياه

رجل(ن) مع الشده يقول ابشرو بي $$ ورجل(ن) تضيع بين وجهه وعلباه

ورجل(ن) يسد بنوب تسعين نوبي $$ ورجل(ن) لعل اكبر تركتن توطـاه

ورجل(ن) مع كل الرجال امحبوبي $$ ماتستمع حتيش لو حـل طريـاه

يالله تعقل اللـي تلقـى الدروبـي $$ اللي قنص مبعوث مـدري تعـداه

عسى السعد ينثر له بكل صوبـي $$ ويجيب من صيد الغضا ونتعشـاه

وسلامتكم،،

[بن وايل]

وعليكم السلام ورحمة الله وبركاته

غاليتي العزيزه دهن العود

صح لسانك ولاهنتي على هذه القصيده

ابدعتي بما نلقتي لنا من ابيات ومعاني جميله

والى الامام للتميز اكثر

[عبدالله العنزي]

توقف ياقلمي


نعم لابد من التوقف ليس كل الامور تستطيع ان تمررها بعجاله,,,


صح صح للســــانك,,,


ابيــــــــــــــــات في منتهـــى الروعه,,,


ابداع من شخصكم جعل الحروف كاقطرات المطر الجميله ,,,

قد لايحتمل الحبر ان يعبر مدى الاعجاب وقد ينحي القلم تواضعا اماما هذا الجمال ,,,


تسلم ايدك ولاهنتي اختي العزيزه دهن العود ,,,


قد يكون المعنى هو اللاعب الرئيسي في جمال هذه الابيات ,,

فجمعت في طياتها من العزه والشموخ ورفض التصنع على حساب الهوا ,,,


الله لايحرمنا من تواجدك,,,


ستجدني دائما اينما تكتب ,,,


مغــــليك

واخوكم عبدالله العنزي

[مشاري بن جدلان]

شاعرة دهن العود

بصراحة ابدعتي الله يعطيك العافية خاصة البيت

رجل(ن) مع الشده يقول ابشرو بي $$ ورجل(ن) تضيع بين وجهه وعلباه

بيت حلو وصح لسانك لا تحرمينا الجديد

[حطموك ياقلبي]

صح السانج اختي دهن العووود

وبارك الله فيج اختي ولا تحرمنا منج ومن جديدج

وبتوفيق

[الاسير الغريب]

يعطيك العافيه

[دهن العود]

ابن وايل , عبدالله ، مشاري ، حطموك

صح بدنكم

الروعه هي تواجدكم المشرق بين سطور هذا المتصفح

الذي زاد اشراقاً بمروركم الرائع

دمتم بكل خير

تحياتي ،،