البارحـه كلمتنـي بـنـت مبلـيـه .....

[عبدالله العنزي]

البارحـه كلمتنـي بـنـت مبلـيـه
معاملتها صراحـة معـي تعبانـة ..
قالت سـلام وقلـت اهليـن يابنيـه
قالت بغيت البنات وقلت غلطانـه ..
قالت بلاش دلع .. رح نـاد بدريـه
وكان هي نايمه صـوت لسلطانـه ..
قلت بصراحـه .. ترانـا عزوبيـه
والكل منا يابنت الناس في شانـه ..
قالت بغيت اسولف اذا تسمح شويـه
انا قبل اتصل بك كنـت طفشانـه ..
قلت اهرجـي زيـن وصفـي النيـه
وانا بسولف عـلاك بنيـه زانـه ..
قالت بغيت اسألك وش بعد سوريه ..
والهند كانك ذكي وش كثر سكانه ..
قلت بصراحه مااعرف الاالبجاديه ..
واعرف من حد مكه لين غيلانـه ..
قالت تحب وقلت احب اللـي حواليـه
واحب ربي واحب الكنق واخوانه ..
واحب ديني واحب ارضي السعوديـه
محبة .. ماعطاها الخـل خلانـه ..
قالت بضحكة ورا اخلاقـك تجاريـة
اصلا انا يوم اسولف معك خسرانة ..
وانت ابدوي ماتعـرف الرومنسيـه
وكل ابدوي حياتـه مالهـا خانـه ..
قلت اسمعي يابنت ان كنـت طبيعيـه
والظاهرانك يابنت الناس سكرانـه ..
انا بدوي ماحنينت الراس موليـه ..
الا لربي .. عزيز الجاه سبحانـه ..
وحنا بدو بـدو وان ثـارت الهيـه
نثبت ليا خالـط البـارود دخانـه ..
وحنا بدو بـدو دايـم نارنـا حيـه
نزعل ليا صك راع البيت بيبانـه ..
حنا بدو اليـا كوينـا ننضـج الكيـه
يفرح بنا اللي غدا ذوده وحيرانـه..
يالي تقولـي بـدو واقـول يابنيـه
حنا الأصـل .. وللبيـت شيشانـه..

[اعقل مجنونه]

واااااااااااااااااو

شي

رووووووووعه

وربي جنااااااااااان

تسلم ايدينك اخووووي

وصح لساااانك

يعطيك الف عااااااافيه

[عبدالله العنزي]

صح بدنك اختي اعقل مجنونه

ولا هنتي على تواصلك الطيب

[( ملكة القمري )]

أخي الفاضل اشاعر المميز

مقطوفاتك جميله ومن أحلا البساتين ...

استمتعت في هذه الإستراحه المذهله ...

ووجدت نفسي أستنشق هواء أروع العبارات

سلمت أخي على ماقدمته لنا من الأشعار والحكم

دمت بخير وعافيه ...

[عبدالله العنزي]

صح بدنكم ولا هنتووو على المرور الطيب