يــابوي انا مااحتمل فـــرقــاك

[دهن العود]

عسى السحايب تهل وينتثـر ماهـا ** ويسقيك ياقبر ٍ من الأمطار همالـي

رعاد قلبي دوى والعين وش جاهـا ** تبكي وتذرف هديـج الدمـع وبالـي

ماالوم عين ٍ بكت من جـور بلواهـا ** وماالوم حزن ٍ سكن بلقـب مازالـي

الهم خيـم علـى نفسـي وغطاهـا ** والنار تشعل لهيب ٍ في الحشا صالي

يابوي انا مااحتمل فرقاك مااقواهـا ** فاض الحزن في خفوقي وانبرى حالي

ويابوي من غيبتـك الـدار عفناهـا ** ماعاد تسوى ولو ان الثمـن غالـي

هاذي تصاريف ربي وحق ممشاهـا ** نرضى ولا نجتزع مماقضى الوالـي

والأمر للي خلـق نفسـي وسواهـا ** رب ٍ كريم ٍ مقـره فالسمـا العالـي

وسلامتكم ،،

[عبدالله العنزي]

السلام عليكم ورحمه الله وبركاته

صح لسانك ولا هنتي اختي العزيزه دهن العووود

صراحه كلامات روعه ومعاني قيمه وتسلم ايدك ويسلم ذوووقك الراقي

ولا ننحرم منك ومن جديدك ان شاء الله وبتوفيق اخوك عبدالله العنزي

[AL_MoHaNDS]

اشكرج اختي دهن العود

ع القصيدة وصح لسانج

ولا هنتي

[نادر الوجود]

صح لسانك خيتووو

دهن العـود على هذي القصيده الاكثر من رائعـة ,,,

بإنتظار جديدك يالغـلا ,,,

ارق التحـايـا ,,,

[سمو الشوق]

ماالوم عين ٍ بكت من جـور بلواهـا ** وماالوم حزن ٍ سكن بلقـب مازالـي


صح لسااانك ودمت مبدعه اختي العزيزه

[بن وايل]

صح لسانك ولاهنتي اختي

واشكرك على القصيده

دام قلمك ونبض قلبك

ويعطيك ربي الف عافيه

والى الامام

[دهن العود]

ا للهم أرحم" أبوووي" واسكنه فسيح جناتك واغفر له

وارحمه من عذاب القبر وأسكنه جنان الخلد

اللهم نقه من الذنوب والخطاي كما ينقى الثوب الابيض من الدنس

اللهم تجاوز عنه ..اللهم اغفرله وارحمه ..اللهم اجعله في الفردوس الأعلى من الجنه

اللهم وسع عليه في قبره ..اللهم ثبته عن سؤالك..اللهم تغمدهو بالرحمه والرضوان واسكنه

اعلى فراديس الجنان..واجعل ملائكتك المقربين يدخلون عليه من كل باب سلام

انك على كل شي قدير

مشكورين اخواني :. عبدالله العنزي ، المهند ، نادر الوجود ، سموالشوق ، ابن وايل

مروركم فخر لي

تحياتي ،،

[اميرة المشاعر]

كلامات رائعه جداً
صح لسانج
والله يرحم فقيدكم

مع تحيات

[دهن العود]

اميرة

شكراً لك

ع التواجد

صح بدنــك

والروعه بحضورك

دمتي بود ،،

[الجوهري]

صح لساااااانك ولا هنت على القصيده وعساك ع القوه

[دهن العود]

:)
عبد الله ، المهندس ، نادر ، سمو ، ابن وايل ، الجوهري

مشكورين ع تواجدكم

وصح بدنكم

تحياتي ،،

[عبدالله الدوسري]

السلام عليكم ورحمة الله وبركاته

اوجهي تحياتي لأدارة المنتدى والى اعضائه

ويعطيكي العافيه على اختيار قصيدتي يــ دهن العــود لنشرها بين طيات هذه الشبكه

ولا اعرف سبب نسبها لنفسك .. وهذه ملاحظه تسجل لأدارة المنتدى ومشرف القسم على عدم التحقق من المصادر


كتبت هذه القصيده في وفاة والدي قبل سنتين والله يرحمه ويرحم اموات المسلمين اجمعين


http://www.ghalay.com/up/get-10-2007-y89coebj.gif

[فصولي]

صح لساااااانك ولا هنت على القصيده وعساك ع القوه